O CGTD de Pontevedra acolle o Campionato de Galicia de Lanzamentos Longos absoluto e Sub-23

O Campionato de Galicia de Lanzamentos Longos absoluto e Sub-23 terá lugar mañá, sábado 4 de febreiro, e a súa sede son as pistas do Centro Galego de Tecnificación Deportiva (CGTD) de Pontevedra. Alí vanse dar cita máis de medio cento de lanzadores e lanzadoras para concursar no campionato autonómico de lanzamentos longos.

Entre a presenza destacada que se agarda nesta competición de ámbito galego, está a participación prevista de Víctor Gallego, deportista da Gimnástica de Pontevedra, que acude á procura do seu enésimo título, desta vez na modalidade de disco. Xunto ao capitán da Sociedad Gimnástica de Pontevedra, estará tamén o bronce estatal Sub-20 Nicolás Ortega, pertencente ao Atletismo Sada, así como de María Ezquerro, atleta da Sociedad Gimnástica de Pontevedra, que asume a condición de favorita na categoría feminina.

Na xavelina agárdase con interés o man a man que manterán Pedro Santos do Celta e Jonathan Correa da Gimnástica cuxos rexistros tan só están separadaos por once centímetros. Máis doado a priori terá o título a campioa de España Sub-20 Paula Piñón, do Celta, quen terá na subcampioa estatal Sub-23 Uxía Sureda, do Lucus Caixa Rural, a súa principal opoñente.

No martelo homes, Yago Araujo, do Celta, parte como favorito nun concurso no que tamén estará o medallista de bronce do último nacional Sub-20, Eric Méndez, do Atletismo Portugalete.

Duelo entre subcampioas Sub-23 e Sub-18 en Pontevedra

Na categoría feminina contaremos con dúas das nosas internacionais máis prometedoras xa que tanto Irene Gómez, do Valencia Atletismo, que é subcampioa de España Sub-23, como Blanca Pereira, do Ourense Atletismo, e subcampioa de España Sub-18, van estar competindo estarán sobre o círculo de lanzamentos do CGTD de Ponteverda.

Nesta cita deportiva na que se competirá nos lanzamentos de disco, martelo e xavelina, aportan atletas á competición clubs como:

1. Sociedad Gimnástica de Pontevedra
2. Atletismo Lucus Caixa Rural
3. Celta Atletismo
4. Club Atletismo Sada
5. Atletismo Portugalete
6. Marineda Atlético
7. ACD Piringalla
8. Atletismo Santiago
9. Atletismo Narón
10. Club Ourense Atlétismo
11. Atletismo Rías Baixas
12. Valencia Club Atletismo
13. Atletismo Deza
14. Viguesa de Atletismo
15. AD Sprint
16. Ría de Ferrol Concepción Arenal
17. Atletismo San Sebastián
18. Atlética Silva

Lista de deportistas inscritas/os no Campionato Galego de lanzamentos longos