O Campionato Xunta de Galicia de Lanzamentos longos de inverno absoluto e Sub-23 celebrouse nas pistas do CGTD en Pontevedra congregando a un importante número de lanzadores e lanzadoras que acudiron para tomar parte nesta cita deportiva de ámbito autonómico.
Nas pistas pontevedresas do Centro Galego de Tecnificación Deportiva contouse coa presenza destacada de varios atletas de categoría nacional e internacional que tomaron parte esta competición como importante test preparatorio para as importantes eventos deportivos que están por vir como é o nacional de lanzamentos longos do vindeiro día 25 de febreiro na localidadde barcelonesa de Gavá.
📍RESULTADOS
Campionato Xunta de Galicia de Lanzamentos longos
(Pontevedra, 04 de febreiro de 2023)https://t.co/1FTYExrLRK pic.twitter.com/pR0oqktUpV— Atletismo Galego (@atletismogalego) February 4, 2023
En relación as actucións no CGTD, o disco absoluto foi domiñado tanto por María Ezquerro con 45.42 m. (MMP) como por parte de Víctor Gallego da Gimnástica con 46.46 m. compartindo ese primeiro posto do podio cos domiñadores da categoría Sub-23 Evelyn Fernández do Narón con 37.01 m. e Michel Cebral con 45.38
O martelo tivo na internacional e campioa de España Irene Gómez a súa protagonista cun mellor lanzamento de 56.94 m. ao igual que na categoría masculina foi o tamén campión de España Eric Méndez con 57.81 m. logrando en ambos casos o título absoluto e Sub23.
Por último, a medallista nacional absoluta de xavelina Carmen Sánchez lanzaba ata os 49.61 m. domiñando a competición no CGTD polos 45.77 m. da campioa de España Sub20 do ano pasado Paula Piñón quen lograba o título Sub-23. En homes, triunfos para o subcampión galego absoluto Jonathan Correa da Gimnástica con 56.91 m. e para o campión de España Sub20 Pedro Santos quen facía o propio na Sub23 con 54.66 m.
