O campionato de España, o CESA, de selección autonómicas disputarase en Cantabria. A cita albergará as fechas do 2 ao 7 de xaneiro. A comunidade galega terá representación femenina nas categorías de xuvenís, cadetes e infantís.
En total xogarase unha magnitude de 320 partidos repartidos en once sede diferentes en tan só cinco días e medio de competición. Serán ao redor de 32.000 minutos de balonmán repartidos nos pavillóns de Santander, Torrelavega, Camargo e El Astillero.
O día de Aninovo chegarán a cidade anfritrioa as delegación das 19 comunidades autónomas máis Andorra, invitada de excepción a este CESA 2020. Contarán tanto con categorías masculina como feminina, os cales estarán divididos en xuvenís, cadetes e infantís.
Ademais, todas as deportistas que viaxen a Cantabria xogaron cun balón totalmente novo. Molten, o patrocinador da Real Federación Española de Balonmano, lanzou o d60. Este non necesita resina para ser utilizado. Polo tanto, España convertirase en pioneira no uso do balón sin pega en competición de ámbito nacional.
Os combinados galegos viaxan coa máxima ilusión despois de varios meses de traballo preparando esta importante cita. A última concentración foi este fin de semana pasado (28 e 29 de decembro) en Marín e A Estrada.
A expedición galega estará formada por máis de 130 persoas: 96 deportistas, 18 técnicos, 8 árbitros, 3 fisioterapeutas, 1 médico, 4 directivos e 3 fotógrafos.
Galicia só acode o CESA coas selección galegas de xuvenís, cadetes e infantís
A selección galega de xuvenís estará no grupo coas selección de Asturias, Castela e León e Navarra. O equipo técnico, con Carla Abad á cabeza, asegura sentirse satisfeito do traballo feito: “Estamos moi contentos co grupo de 16 xogadoras que conseguimos elixir. Foi unha preparación moi dura, xa que moitas xogadoras compiten en categorías superiores, pero sabemos que iso non vai a axudar á hora de achegar experiencia ao noso sistema de xogo”.
Ademáis é un grupo moi equilibrado, “no que case hai tantas xogadoras de primeiro ano como de segundo, que foron evolucionando ao longo das categorías grazas ás diferentes experiencias deportivas vividas. Consideramos que cada xogadora é diferente e que cada unha pode achegar o mellor de si mesma, encaixando á perfección no xogo colectivo“.
Calendario CESA das xuvenís do grupo A
- 2 de xaneiro ás 11.30 horas: Navarra – Galicia.
- 3 de xaneiro ás 9.30 horas: Castela e León – Galicia.
- 4 de xaneiro ás 11.30 horas: Galicia – Asturias.
En categoría cadete. Euskadi, Castela e León e Andalucía xunto as galegas son os equipos que conforman o grupo B femenino. O seleccionador Adrián Pumar está moi entusiasmado co traballo desenvolvido: “Éramos conscientes de que tiñamos pouco tempo, pero o esforzo que fixo a Federación permitíndonos traballar en concentracións axudou moito a afianzar o modelo de xogo e, á vez, a fortalecer as relacións tre todos os integrantes da selección. Por iso penso que foi uha boa preparación e que chegamos a Santander nun bo momento e que imos dar moita guerra”.
Do seu grupo destaca o bo ambiente que “repercute positivamente á hora de traballar e, a pesar, de dispor de pouco tempo para facelo, a
das nenas por ser cada día un equipo mellor, fixo que cada sesión se aproveitase ao máximo”. Galicia foi prata o ano pasado nesta categoría, aínda que houbo cambio de xeración.
Calendario CESA das cadetes do grupo B
- 2 de xaneiro ás 17.30 horas: Galicia – Euskadi.
- 3 de xaneiro ás 16.00 horas: Andalucía – Galicia.
- 4 de xaneiro ás 13.30 horas: Galicia – Castela e León.
As minigalaicas de categoría infantil teñen un grupo durísimo. Enfróntase a Comunidade Valenciana, Madrid e Cataluña, sen dúbida o grupo máis duro posible.
Pese a iso, as rapazas con Ana Alonso ao fronte viaxan coa maior das ilusión e sen medo a nada. A seleccionadora destacou das súas xogadoras “a ilusión e as ganas de gozar e facer gozar aos demais cun balonmán moi alegre”.
Ana afirmou que a preparación foi “curta pero intensa e chegamos con garantías ao CESA para competir en todos os partidos, a pesar da enorme dificultade do grupo”.
Calendario CESA das infantís do grupo A
- 2 de xaneiro ás 13.30 horas: Valencia – Galicia.
- 3 de xaneiro ás 9.30 horas: Madrid – Galicia.
- 4 de xaneiro ás 9.30 horas: Galicia – Cataluña
