Celta Zorka Recalvi continúa con paso firme na competición de Liga Feminina 2 e logrou a terceira vitoria da tempada nunha nova edición do derbi provincial ante A.D. Cortegada.
Tal e como apuntan desde o equipo vigués, Cortegada e Celta “son dúas escuadras que se coñecen ben, tanto nos seus persoais como no xogo que despregan os seus adestradores. Era un partido con pouca capacidade para a sorpresa táctica, pero houbo algún detalle novo como as defensas presionantes que algunha fase do encontro mostrou o equipo de Cristina Cantero“.
Tras dous primeiros ataques convertidos facían presaxiar que o Celta Zorka Recalvi rompería rápido o encontro pero o certo é que a ruptura se deixou macerar até o terceiro cuarto. Durante o primeiro parcial, o equilibrio foi a tónica do partido.
A Cortegada funcionáballe o acerto de Sedlakova baixo o aro e a eslovaca finalizaba o cuarto con oito puntos. No lado celeste o desacerto desde o exterior lastraba o seu despegamento e chegábase ao final do primeiro cuarto con lixeira vantaxe celeste (18-16).
No segundo cuarto produciuse o primeiro arreón celeste. As olívicas endosaron un parcial acumulado de 12-0 que nin sequera un tempo morto do adestrador da AD Cortegada, Rubén Domínguez, puido deter en primeira instancia, co que Celta Zorka Recalvi lograba alcanzar unha notable diferenza (30-18).
As deportistas de Vilagarcía non baixaron os brazos e reaccionaron para que un triplo final de Zeltia Presas diminuíse a distancia por debaixo da decena de puntos cando o encontro chegaba ao descanso (33-25).
A deportista lucense estaba nun momento doce na continuación e un novo triplo seu reduciu a diferenza un pouco máis. Foi un espellismo pois este foi o final de toda achega positiva para Vilagarcía no encontro.
As locais aplicáronse en defensa, subindo o nivel de intensidade en liñas de pase e, xogadoras que na primeira metade estiveran adormecidas en tarefas anotadoras, sumáronse á contenda, para infligir un parcial de 16-0 que resultou definitivo (49-28).
A pobre anotación arousá no cuarto (7 puntos) foi demasiada laxa que levantar para as visitantes, que chegaban ao final do cuarto coa vitoria decantada para as locais (56-32).
O último cuarto careceu de historia. Cristina Cantero dosificou esforzos nunha semana en que terá dous partidos e moito tempo de viaxe en autobús. Brillaron novamente as xogadoras júnior con accións de mérito (8 puntos para Noa Comesaña e 5 puntos para Clara Prieto) e chegábase ao final do partido con folgada vitoria celeste por 78 a 43.
Cantero e Domínguez expoñen a súa visión do partido
Ao final do encontro, tanto Cristina Cantero, técnica do conxunto local, como Rubén Domínguez, adestrador das xogadoras visitantes, trasladaban á opinión pública cal fora a súa visión do encontro, tal e como recolle o Celta na súa web,.
Cristina Cantero, entrenadora do Celta Zorka Recalvi: “Custounos entrar no partido e coller a nosa liña de traballo. Se defendésemos como o fixemos no terceiro cuarto todo o partido nos había de ter ido mellor. Pero realizamos un bo traballo, levamos a Cortegada ao límite. Estou contenta porque acabamos sumando e seguimos crecendo aos poucos”
Para Cristina Cantero, adestradora local, ao equipo “custoulle entrar no partido e coller a nosa liña de traballo. Se defendésemos como no terceiro cuarto todo o partido nos houbese ir mellor. Pero realizamos un bo traballo, levamos a Cortegada ao límite e estou contenta porque todas acabamos sumando e seguimos crecendo aos poucos”
Rubén Domínguez, o adestrador da AD Cortegada: “Estivemos bastante ben e na segunda non estivemos ao nivel da primeira, sen traballar ben nin en defensa nin en ataque, facilitámoslle moito o xogo ao Celta”
Para o técnico visitante Rubén Domínguez na primeira parte “o equipo estivo bastante ben e na segunda non estivemos ao nivel da primeira, sen traballar ben nin en defensa nin en ataque, facilitámoslle moito o xogo ao Celta”.
FICHA TÉCNICA
CELTA ZORKA RECALVI (78): Mariona Martín (6), Lucía Fontela (0), Celia García (14), Maja Stamenkovic (8), Marita Davydova (15) -cinco inicial- Noa Comesaña (8), Florencia Niski (3), Clara Prieto (5), Angela Coello (7), Sara Vidal (0) e Rose Marie Julien (12).
A.D. CORTEGADA (43): Patricia Vicente (2), Sara Gómez (8), Cristina Loureiro (9), Tereza Sedlakova (10), Teodora Saric (4) -cinco inicial- Zeltia Presas (4), Lorena Castro (2), Sofía Blanco (0), Miriam García (0), María G. Centeno (4) e Irene Montenegro (0).
PARCIALES: 18-16, 15-9, 23-7 e 22-11.
ARBITROS: Alejandro Pellitero González e Irís Díaz Feijoo. Sancionaron con 14 faltas a Celta Zorka Recalvi e con 20 faltas a A.D.Cortegada.
INCIDENCIAS: Partido correspondente á 4ª xornada da Liga Femenina-2 no Grupo A. Disputouse na pista polideportiva do complexo municipal de Navia, en Vigo. O encontro xogouse a porta pechada.
