Igualdade máxima é o que se espera para o derbi da Liga Challenge de baloncesto que protagonizarán esta fin de semana o Celta Zorka Recalvi e BAXI Ferrol. Os clubs galegos están no máis alto da táboa. As ferrolás son líderes seguidas a un punto polas viguesas.
O partido xógase no Pavillón de Navia, en Vigo, hoxe sábado 29 de outubro a partir das 19:00 horas. Arbitran o duelo galego os colexiados Alejandro López Lecuona e Marc García Santos. O primeiro derbi galego da Liga Challenge 2022-23 poderá verse na canle da FEB.
ℂ
Sábado en Ｎ Ａ Ｖ Ｉ Ａ✔️ Derby gallego femenino
✔️ 2️⃣ 1️⃣
✔️ 19:00 horasTarde y escenario ideal para disfrutar de buen baloncesto‼️#celestedecorazon#lacasadelbasket pic.twitter.com/Ur1lfI3PhU
— CELTA BALONCESTO (@Celtabaloncesto) October 27, 2022
O BAXI Ferrol asina, polo de agora, un expediente impoluto. Cinco partidos, e cinco triunfos no peto. O Celta Zorka Recalvi so cedeu un partido. Foi na primeira xornada visitando ao Alter Enersu Al-Qázeres Ext co que perdeu 74-59.
As xogadoras que adestra Lino López visitan unha das canchas máis complicadas da categoría. Tócalles derbi galego ante o bloque que adestra Cristina Cantero.
Haberá recambio no liderado na Liga Challenge ou materá o BAXI Ferrol a súa condición de invicto e superará a visita a Navia?
O certo é que o conxunto departamental está intratable liderando sen erros a táboa clasificatoria. Pero as viguesas do Celta Zorka Recalvi son xustamente un dos rivais que poden mancar ás de Ferrolterra. As celestes suman catro triunfos consecutivos e queren asaltar o primeiro posto. Pero terán que refrendar a súa candidatura na pista.
Os números do BAXI Ferrol: cinco de cinco
Na traxectoria do BAXI Ferrol todo son vitorias. Na primeira xornada impuxéronse na Malata ao Vantage Towers Alcobendas (77-72). No segundo partido de liga visitaron ao Picken Claret no pavillón da Universidad de Valencia cun resultado favorable ás galegas de 54-61.
De volta á Malata, na terceira xornada impuxéronse ao Club Joventud Badalona por 65-54. O pavillón Pineda de Estepona, en Málaga foi a cuarta parada, segunda a domicilio das ferrolás. Aquí o triunfo foi so de tres puntos, pero abondou para impoñerse ao CAB Estepona Jardín Costa Sol (66-69). Máis ampla foi a vitoria na Malata ante o Vega Lagunera Toyota Adareva (77-58). Ese é o último choque das ferrolás neste curso ligueiro.
Tenemos la 5ª victoria!
BAXI Ferrol @UniFerrol 77 – Vega Lagunera @CBADAREVA Toyota Tenerife 58Además de en el pabellón, podéis seguirlo en Canal FEB: https://t.co/eNukMt43cO…#humildadytrabajo pic.twitter.com/iVEfIrAScV
— Baxi Ferrol (@UniFerrol) October 22, 2022
Tropezo inicial dun Celta Zorka que non volveu ceder o triunfo aos seus rivais
No caso do Celta Zorka Recalvi, o único tropezo aconteceu na primeira xornada. A visita ao Pabellón Multiusos Ciudad de Cáceres concluíu cunha derrota das celestes por 74-59 ante o Alter Enersu Al-Qázeres Ext. A partir de aí, o bloque que adestra Cristina Cantero amosouse imparable.
No primeiro partido en Navia vencían ao La Cordá de Paterna BN por 61-55. A terceira xornada levounas ao Pabellón Guillermo García Pezzi de Melilla onde se impuxeron ás locais do Melilla Sport Capital La Salle por 47-66. De volta a Vigo pero no Pavillón das Travesas, o Celta Zorka Recalvi vencía 60-44 ao Lima Horta Barcelona.
Na quinta xornada, a previa a este derbi galego, o conxunto vigués viaxou a Navarra a medirse co Osés Construcción Ardoi no Polideportivo Lizarrería. O resultado foi de novo de triunfo das celestes, desta volta por 64-75. Catro partidos seguidos gañando.
Igualdade, rivalidade e moito en xogo esta fin de semana no Pavillón de Navia en Vigo. Cuarenta minutos de puro básket galego de calidade. Se non podes ir velo ao vivo, mírao na na canle da FEB, seguro que este partido vai ser dos que paga a pena non perder.
PARTIDOS DA 5ª XORNADA DA LIGA CHALLENGE
Sábado 29 de octubre de 2022:
- La Cordà de Paterna vs Melilla Sport Capital (13:00h) | CanalFEB.tv
- Joventut Badalona vs Vantage Towers Alcobendas (16:00h) | CanalFEB.tv
- Alter Enersun Al-Qázeres vs Lima Horta Barcelona (17:00h) | CanalFEB.tv
- Picken Claret vs Sernova Real Canoe (17:30h) | CanalFEB.tv
- Milar Córdoba vs Osés Cons. Ardoi (8:00h) | CanalFEB.tv
- Celta Zorka Recalvi vs Baxi Ferrol (S-19:00h) | CanalFEB.tv
- Recoletas Zamora vs CAB Estepona JDLCDS (S-20:00h) | CanalFEB.tv
Domingo 30 de octubre de 2022:
- Vega Lagunera Toyota vs Domusa Teknik ISB (11:00 hora canaria) | CanalFEB.tv
