Os números están a acompañar ao Celta Zorka Recalvi. Con cinco partidos xogados e nove puntos, as celestes ocupan o segundo posto da clasificación da Liga Feminina 2. Despois de lograr a terceira vitoria en casa, as galegas viaxan nesta séptima xornada ao País Vasco para duelo contra o Azkoitia Azpeitia ISB que se disputará o domingo, 15 de novembro, ás 11:00 horas.
As xogadoras do Celta Zorka chegan a este partido despois dunha gran actuación contra o Vega Lagunera Adareva Tenerife, gañando cun 71-59 no marcador, que as afianza como as segundas mellores da categoría, só por detrás doutras galegas: o Baxi Ferrol.
Pola outra banda, as vascas do Azpeitia veñen de disputar dous partidos contra equipos galegos, o primeiro resultando nunha derrota moi contundente contra as ferrolás e o segundo cunha vitoria contra o Maristas Coruña. As de Iurgi Caminos acumulan polo de agora seis puntos ao ter gañado soamente dous dos catro partidos que disputaron.
Varias xogadoras do Celta Zorka entre as mellores da categoría
O Celta Zorka confia no seu xogo e nas súas xogadoras. Tres delas atópanse entre as dez mellor valoradas do que vai de Liga: Celia García, Maja Stamenkovic e Margarita Davydova. Todas elas cunha valoración media superior a 15 puntos. Ademais, García e Stamenkovic están entre os dez primeiros postos das máximas anotadoras da categoría e Davydova ven de facer un moi bo partido na sexta xornada, na que obtivo unha valoración de 26 puntos.
Esta semana, o conxunto adestrado por Cristina Cantero deberá manter estes bos resultados nos seus dous encontros dos próximos días no País Vasco: o primeiro contra o Azkoitia Azpeitia ISB e o segundo, dous días despois, contra o GDKO Ibaizábal, partido aprazado da primeira xornada.
https://twitter.com/Celtabaloncesto/status/1327206115013226498
