O Celta Zorka Recalvi segue na loita pola primeira posición. Pero logralo pasa por sumar unha vitoria en casa, na súa próxima cita o sábado, 5 de decembro, ás 19:00 horas contra a Agrupación Deportiva Baloncesto Avilés.
As celestes están realizando unha moi boa tempada que, senón fora superada polo intratable Baxi Ferrol, as situaría na primeira posición. Tras nove xornadas, o Celta acumula 16 puntos, con soamente dúas derrotas. Un casilleiro que queren aumentar no partido contra a Agrupación Deportiva, que ven de abandoar o posto de colista tras vencer ao Maristas.
Pola súa banda, o equipo vigués ven de crear unha racha de tres vitorias consecutivas grazas ao seu acerto fronte á canastra e unidade no campo de xogo. Ademais, os números sorrín ao Celta. O conxunto celeste é o segundo cunha mellor media valorativa e case dobra nestes puntos ao seu rival.
Porén, non poderán baixar a guardia ante unha Agrupación Deportiva con máis acerto desde a liña de tres e desde o tiro libre. As xogadoras dirixidas por Cristina Cantero deberán frear ao contrincante nestes aspectos.
No lado negativo, Cantero non poderá contar para esta cita con Ainhoa Lacorzana. Segundo informa o club celeste, a xogadora pasa por quirófano este xoves para ser operada despois dunha tempada de altibaixos, alternando adestramentos, partidos e descansos. A exterior viña arrastrando molestias no xeonllo e sufriu unha lesión no partido contra o Magec Tías, polo que terá que pasar un tempo de baixa, aínda non determinado.
Nuestra capitana Ainhoa Lacorzana, intervenida con éxito en la mañana de hoy en el Centro Médico Quirúrgico Concheiro. Ojalá podamos verte pronto de nuevo en las pistas!! pic.twitter.com/T9S0Elk0oi
— CELTA BALONCESTO 💙 (@Celtabaloncesto) December 3, 2020
O encontro que disputarase en Navia ás 19:00 horas, será a porta pechada pero, como de costume, a afección poderá seguilo a través do Canal FEB.
💙🏀Nuestro equipo regresa este sábado a Navia recibiendo a @ADBA87
🖥 Sin asistencia de público presente pero con streaming vía #CanalFEB #VoltanOsLatexos#LaCasadelBasket pic.twitter.com/kubA8759UH
— CELTA BALONCESTO 💙 (@Celtabaloncesto) December 3, 2020
