O Celta Zorka Recalvi quere chegar na mellor posición á segunda fase, e está completamente imparable. Por undécima xornada consecutiva, as viguesas suman unha vitoria, que desta vez vale dobre. Cun 65-35, as celestes pasáronlle por riba ao Osés Construcción Ardoi, rival directo no máis alto da Liga Feminina 2.
Con este trunfo obtido nun encontro marcado polas defensas, o Celta ponse a un punto da segunda posición, ocupada precisamente polas navarras.
Poucas canastras na pista de Navia
Coa baixa de Lacorzana nas filas celestes e a de Gastaminza nas navarras, comezou un partido no que na primeira metade os tiros certeiros brillaron pola súa ausencia.
Nos primeiros intres do encontro, as visitantes foron quen de golpear primeiro, cun parcial 0-4. Eses sería os mellores minutos do Osés Construcción Ardoi ao longo de toda a primeira metade do cruce.
Pola súa banda, as locais tardaron máis de catro minutos en anotar baixo o aro, pero conseguiron frear os ataques das xogadoras rivais, polo que o primeiro cuarto rematou nun empate 6-6.
Para o segundo tempo a anotación galega mellorou, mentres que as visitantes estaban bloqueadas. O Osés Construcción Ardoi perdía balóns á vez que sumaba erros nos tiros, sobre todo desde a liña de tres, desde onde non conseguirían sumar ningún punto.
Viuse sobre a pista a un Celta Zorka Recalvi forte no aspecto físico, movían fluidamente o balón, aumentando a súa puntuación, cun parcial 9-0 que lles daba a vantaxe. No bando visitante, só Diana Cabrera foi quen de encestar. Así, o descanso chegou co 22-8.
O Celta aumenta a distancia co Ardoi
Tras o paso por vestiarios, malia que se puido ver un Osés Construcción Ardoi máis certeiro, o dominio do partido seguía en mans do Celta Zorka Recalvi. Eva Cases erixiuse como líder das navarras nas accións ofensivas, levando o peso da anotación do seu equipo.
No rebote, o duelo Cabrera – Davydova decantábase do lado da celeste, o que lle daba máis vantaxe ás xogadoras locais. Así, o conxunto que adestra Cristina Cantero lograba establecerse nunha distancia máis ou menos estable de 15 puntos. Ao borde da fin do terceiro cuarto, as galegas facían un parcial 8-0 que rompía o partido con só un cuarto por xogar.
Chegados os dez minutos finais do encontro, o Celta tiña practicamente afianzada a vitoria e, de camiño, tamén o average. Ambos conxuntos mantiveron a intensidade sobre a pista do paovillón de Navia, pero as viguesas eran sempre superiores. Este foi o tempo máis igualado do partido, pero o Osés Construcción Ardoi reaccionaba tarde e os dous puntos en xogo deste cruce quedaban en Galicia.
Con esta vitoria, as de Cristina Cantero rozan a segunda posición na taboa clasificactoria, chegando no mellor estado posible á segunda fase da competición na Liga Feminina 2. Nos tres partidos restantes, as celestes precisan acadar, canda menos, dúas vitorias para asinar definitivamente esta praza.
FICHA TÉCNICA
65) CELTA ZORKA RECALVI: Mariona Martín (3), Celia García (7), Rose Marie Julien (7), Ángela Coello (2), Marita Davydova (13) – quinteto inicial -. Tamén xogaron: Noa Comesaña (4), Lucía Fontela (8), Florencia Niski (1), Maja Stamenkovic (13), Sara Vidal (-) e Adrienne Motley (7).
35) OSÉS CONSTRUCCIÓN ARDOI: Itziar Arregui (2), Tamara Montero (2), Iranzu Etxeverría (2), Josephine De Barros (3) Diana Cabrera (6) – quinteto inicial -. Tamén xogaron: Paula Marcos (0), Eva Cases (17), Alazne Vicente (-), Andrea Vázquez (1) e Raquel Navarro (2).
PARCIAIS: 6-6, 16-2, 23-12 e 20-15.
ÁRBITROS: colexiados Adrián Pérez e Christian Abalo. Sinalaron un total de 20 faltas ao Celta Zorka Recalvi e 18 faltas a Osés Constucción Ardoi.
INCIDENCIAS: Partido correspondiente á vixéximo cuarta xornada do Grupo A da Liga Femenina 2 disputado no pavillón de Navia de Vigo ante un total de 150 espectadores nas bancadas. A situación epidemiolóxica da zona fai que as autoridades autonómicas permitan público nos espectáculos deportivos, con aforo reducido e protocolo de prevención,
