Atletismo Femenino Celta na categoría feminina e Sociedad Gimnástica de Pontevedra na masculina, cumpriron os prognósticos e impuxéronse nunha nova edición correspondente á Copa Xunta de Galicia de Clubs de pista cuberta de atletismo disputada en Ourense e que xuntou aos oito mellores equipos galegos de cada categoría.
Na categoría feminina non houbo sorpresas, cun Atletismo Femenino Celta domiñando comodamente o encontro no que chegaba a sumar un total de 85 puntos grazas en parte, aos triunfos parciais na proba dos relevos; de Andrea Pais nos 200 m. Esther Navarrete nos 3.000 m. e das atletas filiais Lola Bouza na pértega e da plusmarquista galega dos 100 m. Ainhoa Repáraz nos 60 m. Este podio supón a novena vez que as celestes logran este título erixíndose como as grandes domiñadoras do mesmo.
Acompañando ao Atletismo Femenino Celta estiveron en zona de podio as pontevedresas da Sociedad Gimnástica a catorce puntos e o Ría Ferrol no terceiro lugar a dazaseis.
Copa Xunta de Galicia de Clubs masculina
Na categoría masculina da Copa Xunta de Galicia de Clubs en pista cuberta celebrada en Ourense, os pontevedreses lograban sumar un novo título copero logo de rematar a competición cun total de 90,5 puntos o que lle permiten ampliar a formidable racha consecutiva de dez copas gañadas. No día de hoxe o seu triunfo estivo cimentando nas victorias parciais tanto de Victor Gallego en peso como de Anxo Blanco en triplo, Carlos Porto nos 3.000 m. e a do sevillano Alfonso García en altura.
Xunto aos gañadores, o Real Club Celta ocupada o segundo lugar do podio logo de sumar 86,5 puntos e o Atletismo Santiago facía o propio no terceiro lugar cun total de 63 puntos.
💥Atletismo Femenino Celta en mulleres e Sociedad Gimnástica en homes, gañadores da Copa de Clubs 2023 de pista cubertahttps://t.co/WBtc56ObaX pic.twitter.com/RKZcw8z1DZ
— Atletismo Galego (@atletismogalego) January 7, 2023
Ca entrega de trofeos, que estivo presidida estivo polo presidente da Federación Galega de Atletismo (FGA) Iván Sanmartín, o alcalde de Ourense Gonzalo Pérez, o delegado de deportes da Xunta en Ourense Manuel Pérez, o representante da Deputación de Ourense Bernardino González e o responsable de Expourense Mario González, púxose punto e peche a esta excelente xornada competitiva.
