O Celta Femxa Zorka impúxose ao C.B. Sanfeliuenc (68-78) e acadou unha nova vitoria, a 12.ª no que vai de tempada na LF Challenge. O conxunto galego só sufriu unha derrota nos 13 encontros disputados ata o momento, o que o consolida como un dos grandes candidatos ao título ligueiro.
Ver esta publicación en Instagram
As celestes manteñen a súa firmeza e non afrouxan no seu empeño por acadar o primeiro posto da clasificación. Por diante teñen ao Azulmarino Mallorca Palma, que continúa invicto; un rival realmente duro para o cadro vigués, que se ve obrigado a manter un alto nivel se quere ter opcións de liderar o campionato.
Ver esta publicación en Instagram
Nesta ocasión, a vitoria foi ante o Sanfeliuenc, o colista da táboa que suma unha única vitoria nesta tempada. A priori, non parecía que este rival puidese poñer en apuros ao Celta, pero o encontro resultou máis axustado do esperado.
O próximo encontro do Celta Femxa Zorka na LF Challenge será contra o Bosonit Unibasket, o día 3 de xaneiro, ás 19:00 h, no Pabellón de Navia.
Ver esta publicación en Instagram
Sara Vidal, confírmase lesión de larga duración
Segundo o parte médico emitido polo club, Sara Vidal padece unha rotura do ligamento cruzado anterior da súa rodilla dereita. Os peores prognósticos cumpríronse e confirmouse que a xogadora sufre unha lesión de gravidade que a manterá afastada das pistas durante un longo período de tempo.
A baixa supón un duro revés para o equipo, que afrontará o que resta de tempada sen a súa capitana.
Ver esta publicación en Instagram
Jiselle Thomas deixa o Celta
A alero Jiselle Thomas abandona o Celta Femxa Zorka tras chegar a un acordo coa entidade celeste para rescindir o seu contrato. A xogadora estadounidense, procedente do Valur, foi a última incorporación do equipo vigués, pero non conseguiu acadar o rendemento que se esperaba desde o club, que lle agradeceu en redes sociais o seu traballo e profesionalidade, desexándolle o mellor no seu futuro.
Ver esta publicación en Instagram
FICHA TÉCNICA
PARCIAIS: 16-19, 15-21, 24-29, 13-99
EQUIPO ARBITRAL: Fernando Martínez Estopiñán e Bernat Verdejo Fernández.
INCIDENCIAS: Partido correspondente á 13ª xornada da LF Challenge, disputado no Palau Municipal d’esports Juan Carlos Navarro (Barcelona).
Ver esta publicación en Instagram
RESULTADOS DA 13ª XORNADA DA LF CHALLENGE
- B. SANFELIUENC – CELTA FEMXA ZORKA 68-78
- BOSONIT UNIBASKET – OSÉS CONTRUCCIÓN 69-73
- UNICAKA MIJAS – FUSTECMANBF CASTELLÓ 77-69
- RECOLETAS ZAMORA – ALTER NERSUN AL-QÁZERES EXT. 53-57
- DOMUSA TEKNIK ISB – LA LAGUNA TOYOTA ADAREVA 90-84
- CAJASOL BALONCESTO SEVILLA FEM – REAL CANOE 57-67
- AZULMARINO MALLORCA PALMA – MELILLA CIUDAD DEPORTE LA SAL 81-60
- MCR LIMA-HORTA BARCELONA – LA CORDÁ PATERNA NB 65-62
