O Celta Femxa Zorka logra recompoñerse dun primeiro tempo anódino ante o Alter Enersun Al Qázeres Extremadura e faise cun preciado triunfo en Cáceres, nun encontro que non se resolveu ata o último minuto.
Segundo indica o propio o Celta Femxa Zorka na súa páxina oficial, o partido tiña un aspecto semellante ao disputado ante o Recoletas Zamora. Era unha proba, un examen máis deste comezo de tempada, que podía indicar en qué zona se atopa o cadro celeste na presente tempada. A entidade do rival (fundador da Liga Femenina Challenge) indica que neste tipo de pistas, fóra de Navia, deben ser os campos onde recoller vitorias de valor ao longo do curso.
Ver esta publicación en Instagram
Era un partido de moitos reecontros coma o da ourensana Clara Prieto, con pasado vigués e canteirana celeste Lucía Fontela, xa asentada en Cáceres. Ou os das actuais celtistas Deva Bermejo e Diana Cabrera, que xogaron a tempada pasada en Extremadura. O encontro tivo un desenvolvemento irregular, aínda que, finalmente, rematou deixando boas sensacións pola notable melloría do equipo vigués, que acadou a súa terceira vitoria da tempada pese ás adversidades.
O Celta Femxa Zorka entrou impasible ao terreo de xogo, o que casaba co tibio ambiente do pavellón extremeño, que conta con gran capacidade, pero que tivo unha mínima afluencia de público. As extremeñas tiñan ben localizadas as fortalezas e debilidades do cadro celeste e as porcentaxes eran baixas nos dous aros.
Case non había oportunidade para segundos tiros e ambos equipos controlaban as súas perdas, pois non eran capaces de anotar, nin tan sequera debaixo do aro. Unha canasta sobre a bocina de Diana Cabrera (13-9), acercaba ás olívicas ao final do primeiro cuarto, cunha moi baixa porcentaxe de acerto nos lanzamentos, especialmente das celtistas.
Como relata o club na súa web, o segundo cuarto seguiu o mesmo rumbo ca o primeiro, o que non facía presaxiar cousas nada favorables para as celtistas. Despois de igualar rápido a disputa a 13, a situación repetíase e comezaba a tornarse alarmante cando as locais inflixían un parcial de 9 a 2, que colocaba ás visitantes en números ruborizantes (26-17). Nos últimos minutos recuperaron un pouco a ledicia anotadora, e coma no primeiro cuarto, unha canasta, nesta ocasión de Deva Bermejo sobre a bocina, aminoraba o dano á chegada do descanso (30-25).
Gran 3.º cuarto do Celta Femxa Zorka
Thomas era a elexida por Cristina Cantero na reanudación tras o seu primer bo tempo, pero a celebración chegaba ó seu fin coa terceira falta case de inmediato.
O equipo reaccionou por fin e tras un parcial 5-12, coa participación activa de Paula Salinas e Diana Cabrera, conseguía darlle a volta ao marcador (35-37, a 5:28, 3ºC) obrigando ao técnico local a pedir unha pausa.
O Celta Femxa Zorka saíra en defensa zonal e atopou a mesma resposta tras o tempo por parte das extremeñas, pero as viguesas acharon dentro a Jessica Kelliher. As celestes foron agrandando a distancia progresivamente, e Martina Vizmanos finalizou debaixo do arco dúas acccións consecutivas despois dun bo mevemento de pelota ata acadar os nove puntos de diferencia.
Carlota Menéndez dende os nove metros sobre o fin da posesión, respondía ao triple de Carmen Suárez para chegar ao final do terceiro cuarto con opcións reáis de vitoria celeste
Chegaban máis problemas para Jesús Sánchez coa cuarta de Nerea Liste na primeira xogada do último cuarto, pero a galega continuou en pista e aportoule ás súas máis que no resto de parciais. Un minuto de locura fixo que as extremeñas reduciran o marcador a 50-53, ante a pasividade olívica no balance defensivo coas novas normas tras o saque de banda, xa que concederon consecutivamente un par de canastas sinxelas.
A pausa de Cristina Cantero e os cambios, coa volta de Diana Cabrera, fixeron que dúas canastas das súas interiores, deran un respiro ao cadro vigués (54-59 a 3:01). As locáis colocábanse a tres puntos a tan só 47 segundos. As olívicas atacaron largo e os tiros libres de Kelliher a 26 segundos devolvéronlle a tranquilidade. A norteamericana continuou sumando e rematou con 22 puntos, o que a convertiu na máxima anotadora do equipo, mentres que a outra canasta de Carlota Menéndez puxo a guinda para rematar o encontro cun resultado de 58 a 67.
Ver esta publicación en Instagram
Diana Cabrera venceu no duelo arxentino contra a súa compatriota Vicky Gauna, aínda que rematou cun corte nunca cella na última xogada do partido, aínda que sin consecuencias aparentes. O próximo sábado 25 de outubro, as 19 horas no pavellon municipal de Navia, disputarase o próximo partido para o Celta Femxa Zorka que se enfrenta ao Melilla Ciudad del Deporte La Salle.
FICHA TÉCNICA
58) ALTER ENERSUN AL QÁZERES EXTREMADURA: Inés Ramos (7), Raquel Laneiro (3), Lucía Fontela (4), Nerea Liste (16), Vicky Gauna (8) -cinco inicial- Clara Prieto (0), Lucía Méndez (6), Carmen Suárez (3) e Josephine de Barros (11).
67) CELTA FEMXA ZORKA: Carlota Menéndez (8), Uxía Rodríguez (0), Andrea Boquete (0), Jessica Kelliher (22), Diana Cabrera (14) -cinco inicial- Martina Vizmanos (6), Deva Bermejo (4), Sara Vidal (0), Naiara Martínez (0), Jiselle Thomas (8) e Paula Salinas (5).
PARCIAIS: 13-9, 17-16, 12-26 e 16-16.
EQUIPO ARBITRAL:. Pol Guadalajara Díaz e Encarnación Hernández Cañaveras. Señalaron 20 faltas a Al Qázeres e 22 faltas a Celta Femxa Zorka.
INCIDENCIAS: Partido correspondente á cuarta xornada da Liga Femenina Challenge da tempada 2025-26, disputada no Pabellón Multiusos Ciudad de Cáceres.
