O Atletismo Feminino Celta resultou campión na Copa de pista cuberta organizada pola Federación Galega de Atletismo en Expourense.
As celestes conseguiron así sumar o seu noveno título e recuperan a Copa, perdida na anterior edición a mans da Sociedad Gimnástica de Pontevedra, vencedor desta vez na categoría masculina
Espectáculo de Xela Martínez e participación da paralímpica Adi Iglesias
Malia o dominio das viguesas, un nome propio destacou na competición. Xela Martínez, da Escuela Atlética Lucense, batía o récord de España sub18 pulverizando a plusmarca estatal en máis de seis segundos, confirmando unha vez máis ser unha das xoias do atletismo, non só galego, senón español.
A participación da campioa paralímpica dos 100 m. e subcampioa dos 400 m.en Tokio-20 Adi Iglesias do Lucus Caixa Rural sobre os 60 m. era outro dos engadidos importantes da xornada e cuxa actuación aportou moitos quilates a unha proba que ano tras ano gaña en prestixio e calidade no noso deporte.
Paralelamente a todo elo, a suma das distintas probas iba definindo o selecto grupo de equipos que entraban na loita polo título e na que o Ría Ferrol, Atletismo Narón, Atletismo Santiago e Atletismo Ourense apuraban as súas opcións de estar neses postos de honra.
Na competición feminina, o triunfo do Atletismo Feminino Celta foi axustado. As celestes venceron por dous puntos á SG Pontevedra. Pola súa banda, o RIA Ferrol, que marchaba ao fronte da clasificación antes do relevo, finalmente sería terceira con 83 puntos.
Segundo informa a FGA, a proba de relevos volvía a ser determinante na definición dos podios que daban na categoría masculina o título a Gimnástica con 92 puntos, seguidos do Real Club Celta con 87 p. e o terceiro lugar para o Atletismo Santiago quen en loita directa co Atletismo Narón finalmente superabao por apenas un só punto.
Posta a punto no individual e boas prestacións das novas fichaxes
En canto ao resto de resultados, destacaron os rexistros de Chichu García do Celta nos 60 m. con 6.81, e os 22.03 de Sergio García da Gimnástica e os 25.19 de Ainhoa Reparaz de A.F.Celta sobre os 200 m. Lucía Ferrer da Gimnástica marcaba 8.87 nos valos e nos concursos Raúl Cortizo pasaba dos 2.00 metros en altura proba na que reaparecía Dario Costas defendendo a camiseta do Atletismo Sada e saltando ata o 1.92.
Por último boa actuación de Sergio Coello quen con 7.29 m. lograba os 8 puntos puntos para o Celta no concurso de lonxitude. Tamén salientamos as excelentes prestacións das fichaxes ¨foraneos¨ que viñeron tomar parte nesta copa e na que Iñaki Canal da Gimnástica marcaba uns formidables 47.04 nos 400 m. Na categoría feminina destacado tamén os 7.66 nos 60 m. de Talia Mara Pérez e os 8.76 nos 60 valos de Paula Gonzalez, ambas do Ría Ferrol
