A pasada fin de semana, do 26 e 27 de decembro, o CGTD de Pontevedra foi o escenario da VI edición do Campionato de Galicia de Clubs de Probas Combinadas. O Celta Atletismo proclamouse campión da proba, superando os 9.000 puntos. En segundo lugar quedou o club A Silva, seguido da Sociedad Gimnástica de Pontevedra.
As celestes lograron o ouro cunha vitoria aplastante. Cada unha das atletas superou individualmente os 3.000 puntos, sendo as mellores da competición. En total, Alicia Merino, Eva Queimaño e Carlota Salgado lograron 9.613 puntos, o que as colocou na primeira posición.
Con todo, como protesta, as celestes decidiron non subir ao podio debido á organización destas probas. O club vigués considera que a proba organizada pola Federación Galega de Atletismo “non merece disputarse ao aire libre”.
O Celta supera varias marcas persoais
Entre as atletas do Celta, Alicia Merino logrou 3.275 puntos quedando na segunda posición da categoría absoluta. Esta marca mellora a súa actuación da tempada anterior e logrou facer MMP no lanzamento de peso, chegando aos 11,03 metros.
Pola súa parte, Eva Queimaño ocupou a terceira posición, quedando 15 puntos por debaixo da súa compañeira, na que foi a súa última competición formando parte do Celta.
En categoría sub18, Carlota Salgado tamén acadou unha MMP, con 3.088 puntos, e mellorou as súas marcas en todas as probas. Tamén por parte do club celeste, Valeria González quedou nunha segunda opsición, pero na categoría sub16, con 2.503 puntos.
A Silva e a Sociedad Gimnástica entran no podio
No ránking de clubs, A Silva colgouse a medalla de prata, un resultado histórico para as de Cerceda. As súas atletas lograron sumar 6.690 puntos.
Nadia González acadou moi bos resultados competindo en sub16, sendo a mellor do seu club, con 2.313 puntos. Seguiuna de preto a súa compañeira María Pena, pero competindo na categoría absoluta. Por último, Diana Mosquera sumou 2.145 puntos para o seu equipo, participando tamén en sub16.
Moi preto delas, rozando a segunda posición, quedou a Sociedad Gimnástica. As pontevedresas, que competían en casa, lograron o bronce ao sumar 6.532 puntos.
Carla Rivas logrou 2.204 puntos, colocándose entre as mellores do torneo. Seguiuna Andrea Villaverde con 2.168 e finalmente Raquel de la Torre, con 2.160. Un peche de ano que o club considera moi positivo para a entidade e para as súas atletas.
💥 CAMPEONATO DE GALICIA DE CLUBES DE PRUEBAS COMBINADAS 💥
Las atletas de la Sociedad Gimnástica de Pontevedra han quedado 🥉 con un total de 6532 puntos:
👉🏽 Carla Rivas ➡️ 2204 puntos
👉🏽 Andrea Villaverde ➡️ 2168 puntos
👉🏽 Raquel de la Torre ➡️ 2160 puntos👏🏽👏🏽👏🏽#SGP1927 pic.twitter.com/28p1QFpmNm
— Sociedad Gimnástica (@SGimnastica) December 27, 2020
Por último, na cuarta e quinta posición quedaron o club Agrupación Viguesa de Atletismo e o Porriño respectivamente, con 5.026 puntos o primeiro e 4.836 o segundo.
