O Celta Zorka Recalvi comeza a preparar a tempada 2021/2022 na que competirá na nova LF Challenge e o fará con dúas pezas fundamentais do seu xogo: Celia García e Mariona Martín.
As dúas xogadoras seguirán vinculadas ao club vigués na seguinte campaña. Entre as dúas sumaron máis de mil minutos sobre a pista no curso pasado.
Celia e Mariona repiten co Celta
Celia García sumou en total máis de 300 puntos entre a liga regular e a fase final, cun promedio do 51,1% nos tiros de dous, 34,6% desde o triple e un 83,1% nos tiros libres. De media, a xogadora tivo unha valoración de 12,8 puntos. Este será o seu cuarto ano vestida de celeste.
Feliz de seguir… feliz de seguir sumando y soñando para el Celta Zorka Recalvi 💙🏀 Nos vemos en Navia 💪🏼 #LFChallenge #LaCasadelBasket https://t.co/gxtoV468wv
— Celia Garcia Paunero (@celia_basket5) June 15, 2021
Pola súa banda, Mariona Martín acumulou 134 puntos para o Celta, sendo a maior parte deles desde o tiro libre, onde promediou 73,3% de acerto por partido. Nos 27 encontros que disputou, realizou 46 asistencias e robou 29 balóns. De media, tivo unha valoración de 5,1 puntos. Este será o seu segundo ano en Vigo.
Temporada ilusionante se viene!!! 🤟🏽
Feliz por jugar un año más en Vigo y poder ver Navia lleno al fin 🤞🏽💙 @Celtabaloncesto https://t.co/YaE4LrOaK5— Mariona Martín (@mariona_martin) June 15, 2021
