As Leonas da Selección Española de rugby, con Ceci Huarte nas súas filas, veñen de se proclamar campioas de Europa, segundo informa a Federación Española de Rugby (FERUGBY).
Este é o décimo Campionato de Europa de rugby feminino para o equipo español que alzaba o trofeo tras dobregar a Suecia por un tanteo de 90-5. Esta vitoria, xunto coa a obtida fronte a Países Baixos por 70-0 reafirma as Leonas como unha aposta segura.
Este bloque de deportistas reivindica o seu nivel. Están preparadas para algo máis. Con esta décima coroa, as Leonas aseguran aínda máis a súa condición de Selección Española feminina máis laureada da historia.
España leva gañando este torneo desde 2013, sétimo Campionato de Europa consecutivo (en 2014 e 2015 non participaron e en 2017 non se celebrou o campionato polo Mundial de Irlanda) e leste foi o que máis contundente lograron sumando ata 25 ensaios en só dous partidos (e un en contra).
No partido disputado en Villajoyosa houbo que esperar só tres minutos para ver o primeiro ensaio das Leonas, que veu por parte de Zahia Pérez. Despois chegaron dous de Maider Aresti, outro de Vico Gorrochategui, Alba Vinuesa… E só levaban disputados 20 minutos de partido.
Eses cinco ensaios completáronse con outros dous antes do descanso para poñer un 43-0 no marcador que plasmaban a tremenda superioridade. Suecia, nesta primeira metade, non pisara a zona de 22 das Leonas.
O ensaio de Ceci Huarte
No segundo tempo, lonxe de relaxarse, Claudia Pena conquistou unha vez máis a zona de ensaio sueca aos dous minutos de volver do vestiario. Despois outros dous de Alba Vinuesa, Lucía Gayoso…
No minuto 61, a única vez que España debeu defender unha xogada perigosa dun equipo rival neste Campionato de Europa, recibiu o seu único ensaio en contra do torneo. Olivia Palmgren pousou o balón.
Dous ensaios máis, por parte de Ceci Huarte, Alba Alpín e Zahia Pérez quitaron ese sabor amargo das Leoas para completar o choque cun total de 13 ensaios a favor e un en contra (Claudia Pérez -escoltada por Alba Capell- transformou a metade dos intentos tras ensaios). 90-5 e un 160-5 no total do Campionato de Europa que redunda na necesidade de buscar rivais máis competitivas para as Leonas se queren continuar o seu crecemento.
Con estes 10 títulos continentais, España dobra á nación perseguidora, Inglaterra con 5, pero que desde 2012 non participa porque disputa o Seis Nacións. Antes de que isto ocorrese, España tiña tres títulos, só un menos que a potente Francia e dúas menos que a mencionada Inglaterra. Desde a primeira edición do torneo, 1995, houbo competitividade e As Leoas superaban con asiduidade a Italia ou Escocia -equipos ‘Seis Nacións’- ademais de competir con Inglaterra e Francia, a quen tamén gañou en varias ocasións.
ENSAIOS:
Zahia Pérez (‘4), Maider Aresti (‘10), Maider Aresti (‘15), Vico Gorrochategui (‘17), Alba Vinuesa (‘21), Claudia Pérez (‘26), Alba Vinuesa (‘38), Claudia Pérez (‘42), Alba Vinuesa (‘45), Alba Vinuesa (‘54), Lucía Gayoso (‘56), Olivia Palmgren (‘61), Ceci Huarte (‘66), Alba Alpín (‘70), Zahia Pérez (‘82).
