O golaverage sitúa á AD Carballal como o mellor conxunto galego na táboa entre as galegas da División de Honor Prata. Igualadas a puntos con elas está o CDEC Lavadores de Vigo. Ambos os dous clubs empezaron a tempada con un 10-0 por non poder presentarse diante dos seus rivais na primeira xornada. Na segunda, cobráronse senllos triunfos e avanzan na clasificación até a zona media.
So van dúas xornadas de Liga na categoría e pouco determinantes serán das posicións que agora se ocupen na táboa pero xa hai algunhas diferencias entre os conxuntos galegos. Rubensa Porriño e SAR Rodavigo aínda non coñecen a victoria polo que están nos postos baixos da clasificación. Entre dos equipos galegos que militan la División de Honor de Prata de balonmán a AD Carballal é o conxunto mellor posicionado na táboa. Séguelle de preto, igualado a puntos o CDEC Lavadores de Vigo que queda por detrás debido ter peores números na diferencia de goles.
Galicia xa tivo un duelo de rivalidade
Ademais, con tan pouquiño andado de tempada, o balonmán galego xa viviu o seu primeiro cruce de rivalidade rexional co encontro entre AD Carballal e SAR Rodavigo que rematou nun 28-21 con triunfo das locais.
Neste tempo de competición, no pavillón tinerfeño do barrio da Salud, o Balonmano Salud Tenerife impúñase ao Rubensa BM Porriño por un marcador axustado de 28-26. Na segunda xornada as do Porriño caían na casa co Lanzarote Zonzamas 21-28.
Caeu por nove puntos no municipal de Redondela, La Bombonera, o SAR Rodavigo diante do Oviedo Balonmano Femenino (21-30). E o CDEC Lavadores Vigo vencía na casa ao Asmubal Meaño 30-24.
E na primeira xornada a AD Carballal non se presentou no Pedro Velarde para xogar co HBC’74 Avia IEN, como tampouco o fixo diante do Lanzarote Zonzamas o CDEC Lavadores. Ambos empezaron así a tempada con 10-0 nos seus casilleiros.
O Oviedo, ben colocado na DH Prata
Entre dos favoritos desta categoría de prata, o Oviedo xa empeza a despuntar poñendo a súa mirada nos primeiros lugares e o obxectivo no play-off. As xogadoras que adestra Manuel Díaz impuxéronse nos seus dous primeiros cruces sen maior problema. Na segunda praza está o Lanzarote Zonzamas, a costa de imporse a dúas escuadras galegas: Lavadores Vigo e Rubensa Porriño.
Será interesante o cruce da vindeira fin de semana das ovetenses co Salud Tenerife, que non lle anda á zaga na clasificación. As canarias son terceiras.
Na zona media comparten territorio Serio Deportivo, Carballal e CDEC Lavadores Vigo, mentres que na zona de perigo atópanse Gijón, Palencia Turismo, Rubensa Porriño, Comercial ULSA Valladolid, SAR Rodavigo e o Rodríguez Cleba, único equipo hasta non ten debutado.
Unha das poucas categorías nas que non muda o sistema de competición
Máis de 6 meses despois dos últimos partidos regresaba a competición hai dúas semanas a División de Honra Prata Feminina. Esta tempada 2020/2021 seguirá marcada pola excepcional situación provocada pola COVID-19. Como noutras competicións e modalidades deportivas, a segunda categoría do balonmán español conta co seu protocolo de acción para previr o contaxio do coronavirus.
No caso desta Liga, estamos ante unha das poucas competicións nas que non muda o sistema de competicións. Moitos deportes e categorías se viron afectados pola ausencia de descensos, por mor do parón pola COVID-19. Iso motivou cambios no sistema de competición ao aumentar o número de equipos, xa que os ascensos si se produciron.
Hai catro grupos de 14 equipos en formato de liga regular. En total, 56 plantillas soñando co ascenso á Liga Guerreras Iberdrola. As galegas están no Grupo A. Os dous primeiros clasificados de cada un deses grupos pasará á fase de ascenso. A fase de ascenso á máxima categoría contará cunha eliminatoria a ida e volta e unha fase final de catro equipos.
Haberá 10 descensos. O dous últimos conjunto de cada grupo e os dous peores antepenúltimos pelexarán por evitalo.
