Ata a prórroga non se decidiu se as futbolistas do Pescados Rubén CD Burela FS ou as do Torreblanca Melilla eran as merecedoras de levar o II Torneo de Ourensanía – Concello de Cartelle. O triunfo finalmente foi para as galegas por 5-3.
Partido que enfrontaba a dous grandes rivais, que no inicio da primeira parte mostrábanse con moita intensidade en pista. A ocasión máis clara do partido ata o momento ía ter Irene Samper, que fixo unha moi boa actuación, roubando o balón á porteira Vika pero non puido materializar.
Con todo, a partir dese momento as melillenses eran mellores en pista, tendo varios achegamentos perigosos, ata chegar o gol de Bia, para abrir o marcador, despois dun disparo ao pau de Ana Luiza no minuto 12.
A partir de recibir o gol, o CD Burela FS, xogou uns minutos de moi alto nivel, tendo varias ocasións para empatar o partido, ata que chegou o gol de Antía para poñer táboas, despois dunha contra de libro acabada por ela cun disparo raso. Foi cousa de segundos, para que as guerreiras laranxas se adiantaran con gol de Patricia, tras resolver un man a man fronte á meta rival a 2 minutos do descanso. Acabaríase a primeira parte con vantaxe do Pescados Rubén Burela FS.
O Torreblanca Melilla saleu do descanso con intencións de empatar o partido, tendo un disparo ao pau nos primeiros minutos. Con todo, a medida que avanzaba o partido, o CD Burela FS controlaba o resultado, e defendíase cunha gran actuación de Jozi. Tamén tivo as súas oportunidades de facer gol con algunha acción de Dany e Antía Pérez.
Os últimos 10 minutos foron moi igualados, con dous equipos que daban todo en pista e tiñan as súas accións perigosas. Nos instantes finais, o Torreblanca Melilla buscaba o gol con xogo de 5, e con insistencia, lograría o empate tras unha xogada combinada que acaba Thais. Un minuto despois, tras forzar a sexta falta, Emilly Marcondes puido desempatar, pero pararíao Patri Alarcón.
Sería na seguinte xogada a mesma xogadora, Emilly Marcondes, que poñería o 3-2 cun trallazo. Con todo, 15 segundos bastáronlle ao Torreblanca Melilla para volver empatar o partido por mediación de Thais. Con isto iríase ao tempo extra.
O CD Burela FS impúxose na prórroga con goles de Emilly e Peque
A prórroga decantaríase para o CD Burela FS, tras primeiro converter Emilly Marcondes un dobre penati e posteriormente sentenciar o partido Peque cun golazo cun dereitazo que se coaba na escuadra. Tras o tempo extra, proclamaríanse campioas do torneo co definitivo 5-3.
Na loita polo terceiro posto o Cidade de As Burgas perdía 1-2 contra o Citta di Falconara.
FICHA TÉCNICA
5) PESCADOS RUBÉN CD BURELA FS: Jozi, Emilly, Peque, Patricia e Cilene – quinteto inicial -. Tamén xogaron: Dany, Irene Samper, Antía Pérez , Masha, Jenny e Evelina.
3) TORREBLANCA MELILLA: Vika, Ana Luiza, Bia, Amandinha e Lydia – quinteto inicial -. Tamén xogaron: Patri Alarcón, Jhenni Karonlay, Lubna, Julia de Oliveira, Thais, Vicky, Sara Soares e Juliana.
GOLES: Min 12 Bia 1-0; Min 18 Antía Pérez 1-1; Min 18:20 Patricia 1-2; Min 38 Thais 2-2; Min 39 Emilly Marcondes 3-2; Min 39:15 Thais; Min 2 tiempo extra Emilly Marcondes 4-3; Min 3 Tiempo extra Peque 5-3.
EQUIPO ARBITRAL: Lidia Crespo, Héctor Vilas, Alejandro Godar. Cartón amarelo a a Ana Luiza. Amosaron cartón amarelo á futbolista do Burela Antía Pérez.
INCIDENCIAS: Partido amigable corrrespondente á final do II Torneo de Ourensanía – Concello de Cartelle disputado no pavillón Piño-Vilachá.
