O Durán Maquinaria Ensino tratará de dar continuidade ao xogo mostrado na segunda parte da pasada xornada fronte ao IDK Euskotren, onde mostraron mellores sensacións ca na primeira metade do encontro e termiñaron gañando gracias a un contundente equilibrio entre defensa e ataque, o peche do rebote e as boas porcentaxes de tiro.
O adestrador das lucenses, Carlos Cantero, dixo que afrontaron o traballo desta semana con positividade e admitiu que a vitoria deulles un pouco de positividade e confianza no que están a facer de cara a afrontar o seguinte encontro da Liga Endesa.
Mellores sensacións no traballo semanal
Carlos Cantero falou no son do avance nas sensacións, tamén o fixo acerca do estado físico das súas xogadoras: “Fisicamente seguimos traballando ben, mantendo agora un pouco máis o estado físico das xogadoras. Non estamos aínda no nivel óptimo pero pouco a pouco vaise alcanzando e imos ben, todas están sas e sen dores.”
Inda así, a irregularidade amósase como o principal aspecto a mellorar por parte das lucenses, segundo o seu adestrador: “A medida que nos fomos enfrontando ás rivais fomos vendo esa regularidade de xogo que queremos alcanzar. Seguimos buscándoa pero polo menos sabemos o lado positivo desa regularidade e ao que temos que xogar”.
Partido intenso fronte unhas rivais moi duras
As xogadoras do Lointek Gernika Bizakaia veñen de perder fronte o potente Girona pero amósanse moi en forma e sitúanse na metade da táboa, empatadas co Ensino con dúas derrotas e unha vitoria.
Carlos Cantero analizou ás súas próximas rivais: “É un equipo super completo, moi equilibrado, con xogadoras moi boas en todas as posicións. É un dos conxuntos que están chamados a estar arriba na clasificación, chegar lonxe en play-off e pelexar pola copa”.
Carlos Cantero, adestrador do Durán Maquinaria Ensino: “Temos que frear o seu xogo en carreira, que non corran fácil, limitar moito as perdas de balón porque calquera mal porcentaxe que teñas en tiro ou calquera fallo de pases que deas, elas aprovéitano rápido e castígano moi ben, é o mellor que fan”.
O adestrador do Ensino destacou ademais os aspectos que considera esenciais para afrontar o seguinte enfrontamento con éxito: “Temos que frear o seu xogo en carreira, que non corran fácil, limitar moito as perdas de balón porque calquera mal porcentaxe que teñas en tiro ou calquera fallo de pases que deas, elas aprovéitano rápido e castígano moi ben, é o mellor que fan”.
O adestrador das galegas fala de que vai ser un partido moi intenso onde é preciso sacar o carácter: “Se queremos gañar temos que baixar ao barro, e pelexar máis, ter mellor actitude e loitar por cada balón perdido”.
“Hai que paralas a nivel individual. Sabemos que o mellor que teñen son os roles de Nadia Colhado, as situacións de un contra un de Roso, e Belén Arrojo que o ano pasado fíxonos bastante dano. Todo pasa un pouco tamén por sacar eses carácter e esa loita individual e pensar que a xogadora que teña diante non sexa mellor ca min”, explica o técnico.
Carlos Cantero, adestrador do Durán Maquinaria Ensino: “Se queremos gañar temos que baixar ao barro, e pelexar máis, ter mellor actitude e loitar por cada balón perdido”.
Carlos Cantero prefire que o seu equipo teña esa capacidade de reacción, especialmente cando os encontros chegan aos seus minutos decisivos: “Segundo o que estamos a ver xa na liga é practicamente moi complicado amarrar o partido dende o principio. O que espero ver é esa reactividade e ter esa reactividade, sobre todo en casa”.
Tal e como detalla o adestrador: “Ás veces pasa que tes un primeiro cuarto, un segundo ou o principio dun terceiro un pouco malo e necesitas esa forza para volver a meterte no partido e mesmo gañalo como así fixemos na anterior xornada”.
O partido entre o Durán Maquinaria Ensino e o Lointek Gernika Bizkaia será o próximo sábado, 10 de outubro, a partir das 18.30 horas no polideportivo de Maloste en Vizcaya. Arbitrarán o choque os colexiados: Víctor Mas Cagide, Elena Espiau Guarner e Rodrigo Garvin Domingo.
🏀 El equipo viajará hasta Gernika para enfrentarse a uno de los equipos más en complicados de la competición, el Lointek Gernika.
🔥 10 de Octubre a las 18:30 en el polideportivo de Maloste.#SomosEnsino | #VoltaráLoita | #LFEndesa pic.twitter.com/jhmnwSnUUw
— Ensino Lugo (@EnsinoLugoCB) October 6, 2020
Carlos Cantero: “Este ano a lectura dos calendarios e da Liga é moi complicado”
INFORMACIÓN DE UTILIDADE
Consulta os partidos da terceira xornada da Liga Endesa e resultados anteriores
- Guía oficial: Plantillas, datos, estatísticas… ¡e moito espectáculo!. A nova tempada comenzou e o fixo con 16 equipos e un total de 161 xogadoras dispostas a ofrecernos cada fin de semana o mellor baloncesto. Todo elo a través dunha competición que crece tempada tras tempada e que desgranamos a través dunha publicación imprescindible para as seguidoras e seguidores da competición.
Clasificación
