O CB Arxil regresa ás pistas un curso máis. O conxunto pontevedrés volvía o xoves a adestrar no CGTD. Daba así inicio unha pretemporada que está previsto que dure aproximadamente un mes.
Tras catro meses de parón, o CB Arxil ten previsto volver á competición o vindeiro 1 de outubro na Liga Feminina 2.
Neste retorno ao traballo, tanto Maite Méndez como Magín Méndez acompañados por Marita Janeiro e Milagros Sanmartin organizaron o adestramento dentro das instalacións do CGTD de Pontevedra para realizar os test físicos correspondentes ao arranque da actividade.
“Hoxe (venres) e mañá (sábado) haberá dúas sesións de traballo físico soamente e de pista. O vindeiro luns empezarase a alternar o traballo físico como táctico”, informan desde o CB Arxil.
Lino Vázquez apunta que van tentar “realizar o traballo o máis esixente posible dentro das posibilidades que temos para adestrar, estamos a tentar xestionar co Concello algunha hora de ximnasio pero é complicado porque ao non adestrar nós normalmente nesas instalacións, loxicamente distribúeno cos que están aí todo o ano”.
A única ausencia que ten o corpo técnico neste arranque do traballo de cara á tempada 2022-23 é Andrea que se incorporará hoxe venres. Tal e como explican desde o club “Carla e Lago estiveron presentes e seguen o seu proceso de recuperación con Cuco Rodríguez y o resto, Cristina, Margarita, Nerea, Aldara, Mirian e Foster e as incorporacións de Nena, Carolina e Carmen e a ausencia de Andrea.
De cara aos partidos de pretempada, explican desde o O CB Arxil que a primeira cita “será en Gaia o vindeiro sábado 10 de setembro diante o Gadessa de liga feminina portuguesa e a continuación xogará o Arxil Mafari Café fronte o Coimbroes e no mesmo escenario”.
