Os estudos apartan a Adriana Aparicio do C.B. Arxil o vindeiro curso 2020-2021. A xogadora marcha á República checa como Erasmus. A previsión é que volte na campaña 2021-2022
Así, Adriana Aparicio despídese do C.B. Arxil logo de ter vestido o verde nas tempadas 2018/2019 e 2019/2020. Marcha facer un erasmus a Ustí nad Labem (Republica checa) para voltar na tempada 2021-22.
Adriana chegou ao club pontevedrés no verán do 2018 co obxectivo de medrar coma xogadora e alternar minutos no Arxil Mafari Café e tamén no conxunto da Liga Feminina 2.
O traballo desta deportista salmantina na pasada campaña foi correcto e logo de ter xogado co primeiro equipo na tempada 2018-19 en cinco partidos, na última campaña pasou a xogar 17 encontros, un total de 97 minutos e 13 puntos anotados. Adriana foi peza fundamental no Mafari Café que estas duas tempadas saldou o seu concurso cun título e dous ascensos de categoría.
Aparicio presenta sempre unha intensa defensa determinante para frear a moitas xogadoras, tanto no seu concurso na LF2, como na Primeira Senior Femenina.
O Arxil deséxalle sorte a Adriana Aparicio
O Club Baloncesto Arxil apunta nunha nota de prensa o seu agradecemento á xogadora polo grande traballo desenvolvido nestas dúas tempadas e deséxalle “moita sorte nos seus próximos proxectos deportivos e persoais. Agardámola cos brazos abertos para a tempada 2021-2022”.
