O primeiro partido da fase de ascenso á Liga Feminina 2 do CB Arxil Mafari Café non comenzou con bo pé. As galegas caeron derrotadas polo Ponce Valladolid por un marcador de 43-85. As galegas so se impuxeron no parcial dos últimos dez minutos.
O debut do CB Arxil Mafari Café nos oitavos de final da loita polo ascenso á LF2 non foi como esperaban as verdes. O conxunto galego saíu cheo de medos a pista e complexos diante dun Ponce Valladolid que era favorito sobre o papel.
As vallisoletanas deixaron claro no primeiro cuarto que ían a por todas e puxeron sobre a mesa un 7-27 que deixou aínda máis noqueadas se cabe ás xogadoras do CB Arxil Mafari Café.
No segundo cuarto repetiuse case o esquema, aínda que a galegas melloraron un chisco en defensa, sen conseguir que as visitantes rebaixasen a súa anotación con respecto ao cuarto previo. Remataron estos dez minutos con 10-27 e poñendo o global do partido nun contundente 17-54 a favor do Ponce Valladolid.
Con nada que perder e moito que gañar, polo menos en confianza, o conxunto do CB Arxil Mafari Café saltou á cancha logo do descanso con outro aire. Comezou a mover mellor o balo e a aplicarse mellor en defensa. Outro aspecto do xogo que cambiou foron as súa perdas de balón. Ao final do terceiro cuarto, 15-24 no parcial e 32-78 no global do partido.
Sobre a pista, que non no marcador, o partido tiña xa menos diferencias entre ambos os dous equipos. De todos os xeitos o Ponce Valladolid so perdera un partido na fase previa e foi o primeiro clasificado do Grupo B, así que a súa superioridade era previsible antes xa do choque.
O CB Arxil Mafari Café gaña o último cuarto
O último dos cuartos foi para as locais que se impuxeron por un 11-7 rematando o partido cun resultado de 43-85 a favor do Ponce Valladolid.
Na opinión do técnico, Lino Vázquez, cabe salientar o “grado de implicación das súas xogadoras que, coma conxunto filial que son, das 12 xogadoras que estaba en pista, oito teñen menos de 19 ano e 8 son de categoría junior”.
A vindeira fin de semana as galegas do Arxil disputarán o partido de volta de oitavos en Valladolid.
FICHA TÉCNICA
43) CB ARXIL MAFARI CAFÉ: Mariña, Ángela, Aldara, Marga e Lara – quinteto inicial -. Tamén xogaron: Arantxa, Sandra, Noa, Natalia, Laura , Sara e Carolina
85) PONCE VALLADOLID: Pérez, González, Moreno, Martínez, Belloso – quinteto inicial -. Tamén xogaron: Niño, Gutiérrrez, Pariente, Manso, Seco, Izquierdo e Mateo.
PARCIAIS: 7-27, 10-27, 15-24 e 11-7.
ÁRBITROS: Krian e Diego.
INCIDENCIAS: Encuentro do play-off de ascenso á Liga Feminina 2 xogado no pavillón deportivo do Centro Galego de Tecnificación Deportiva (CGTD) de Pontevedra ante 50 persoas nas bancadas. O cruce foi retransmitido pola canle de YouTube CB Arxil TV.
