As líderes do CB Arxil reciben esta fin de semana ao Melilla Sport Capital La Salle na LF2. O partido está fixado para as 19:30 horas do sábado 20/11/21. O conxunto pontevedrés saltará á cancha do CGTD a polo seu oitavo triunfo consecutivo na categoría onde esta tempada marcha invicto á fronte da táboa clasificatoria. Este cruce deportivo contará con actos contra a violencia de xénero dentro da campaña NON.
A xornada de sábado arrinca para o baloncesto galego da LF2 ás 19:00 horas co Instituto Rosalía – Xunta de Galicia recibindo ao BD León. As compostelás, sétimas, reciben ás leonesas, novenas con un triunfo menos que as galegas. Agárdase un partido disputado que podería mover a táboa clasificatoria na zona media.
Ready in Barakaldo#GameDay #VamosRosa pic.twitter.com/E8oT551NWG
— Rosalia Fedesa (@RosaliaFEDESA) November 13, 2021
Para ás 19:30 horas está marcado o inicio do cruce entre o Asisa Alahurín de la Torre e o Maristas Coruña. As herculinas visitan ao faroliño vermello que so gañou un partido. O Maristas que adestra Ester Muñiz ten unha vitoria máis e este cruce serviría para poñer certa distancia co seu rival desta xornada, co GDKO Ibaizabal e co Magectías canario.
No último partido das coruñesas debutaba outra xogadora saída da canteira, Raquel Botana. A deportista, procedente do CB Culleredo milita no equipo junior do Maristas Coruña e tivo minutos ante o Vega Lagunera Adareva Tenerife. As herculinas venceron 61-57 polo que queren iniciar unha serie de triunfos consecutivos.
Liga Femenina 2
Debut de otra jugadora de A Coruña, Raquel Botana procedente de @CBCulleredoCom que este año está en nuestro equipo junior ha jugado sus primeros minutos en competición @CompeticionFEB pic.twitter.com/xi0R6N0ekm— Club Maristas Coruña (@MaristasCoruna) November 13, 2021
O CB Arxil recibe ao Mellilla no partido do NON á violencia de xénero
Como rival, o CB Arxil que adestra Maite Méndez terá a un rival inédito que chega cun balanzo de dous triunfos (Unicaja 73-70 e Magectías 53-48), e cinco derrotas (Almería, Maristas, Córdoba, Vega Lagunera e Alhaurín).
As galegas botan contas e saben que gañar ao Melilla no Centro Galego de Tecnificación Deportiva de Pontevedra suporá, como mínimo, manter as dúas vitorias de vantaxe coas quintas clasificadas.
Do Melilla Sport Capital La Salle din que é un conxunto moi físico e rápido. Conta como base con Stevanovic, con 16 puntos de media, seguida por Traore con 11, Ana Jiménez con 11 e Couibay con 8. Son un bloque agresivo en tarefas defensivas o que obriga aos seus rivais a arriscar moitas veces. Xogan moito a buscar a pérdida de balón do rival para buscar unha transición rápida e montar unha contra.
O CB Arxil sabe que al LF2 require dunha máxima exisencia e busca manterse moi vivas en pista. Así llelo traslada a adestradora, Maite Méndez. A preparadora declaraba: “Temos que chegar facendo as cousas ben no día a día con prudencia no traballo porque vaise acumular a competición pero temos que estar centradas neste partido”
Para Maite Méndez a irregularidade que o CB Arxil amosa en determinados momentos dos partidos ten unha explicación: “Vas construíndo sobre a marcha. Queres que as xogadoras que están entendan que deben seguir co nivel alto, e que as que chegan se poñan a ese nivel. Hai diferentes mentalidades e custa como en todos os inicios”, relata.
Maite Méndez manifestaba sobre o rival, o Melilla, que é un bloque “moi físico”, y consideraba que haberá que “xogar o noso baloncesto pero en certos momentos ter a cabeza fría e usar a cabeza máis ca o corazón”.
Derrota do Mariscos Antón Cortegada
Toda a xornada oitava da LF2 xógase o sábado a excepción do cruce entre o Barakaldo e o Cortegada. As galegas do Mariscos Antón Cortegada disputaron o seu partido co HGB Ausarta Barakaldo EST o pasado domingo 14 caendo derrotadas por un marcador de 53-48. O partido chegou ao descanso con táboas 24-24 no electrónico, pero o terceiro cuarto condenou ás galegas que non foron quen de remontar o voo no periódo definitivo (15-13, 8-11, 12-7 e 18-17).
Na LF2 tamén se di NON á violencia de xénero nesta xornada da man do Arxil
