Chega o tempo de análise e de planificación para o conxunto do Club Baloncesto Arxil . Unha vez finalizada a tempada 2020-21, atípica por mor da pandemia de COVID-19, é tempo de empezar a colocar os alicerces para o curso 2021-22 con tempo.
O club pontevedrés considera positivo o curso 2020/21 ao non conseguir o obxectivo inicial de militar a próxima tempada na liga PRO, o novo segundo chanzo do baloncesto feminino que estará composto por 16 equipos, 30 xornadas de fase regular, un ascenso directo e outro mediante play-off e conformarse coa presenza na Liga Feminina 2 que contará con dous grupos de 14 equipos e 26 xornadas cun play-off de asceso.
Segundo explican desde o Club Baloncesto Arxil, na entidade verde empezan a “deseñar o novo proxecto para unha liga descoñecida (todo apunta a que será na Liga Feminina 2, aínda que o club vai facer todo o posible por entrar nesa liga PRO)”, sinalan
Desde a entidade verde, Lino Vázquez declara que, de entrada, “todo apunta que non continuarán Samara e Sara Castro que ten ofertas doutros clubs ,no entanto non é nada definitivo do mesmo xeito que Natalia que se presenta a oposicións en Castela e León de Educación Física e de aprobar ou entrar en listas terá difícil a súa continuidade e con Noelia e Forster estase á espera”.
Lino Vázquez, directivo do CB Arxil: “Non cumprimos os obxectivos que tiñamos para a tempada”
“A tempada 2020-21 non foi polas canles que previamos”, confesa. “Non cumprimos os obxectivos que tiñamos, que era xogar a liga de nova creación e o obxectivo de xogar a fase de ascenso, o de ascender e aínda que xa sabiamos que era complicado polos persoais que había”, comenta Lino Vázquez, directivo do Club Baloncesto Arxil.
Lino Vázquez destaca que “os paróns por culpa da COVID-19, as lesións e sobre todo a inestabilidade nos adestramentos e todo o que supón a preparación dun equipo da categoría do noso impediron unha maior reacción na segunda volta. Quero resaltar a colaboración en todo momento do Centro Galego de Tecnificación Deportiva (CGTD), de deportes do concello de Pontevedra e da Universidade de Vigo”.
En clave de futuro, na entidade pontevedresa sosteñen que o primeiro asunto a resolver é o apartado económico. Para empezar, tendo presente os gastos que vai supor a nova liga. “A nivel deportivo e de desenvolvemento do proxecto vai ser moi atractivo. Vai ser unha liga cunha calidade, cunha esixencia maior e a nivel de gastos”, prevé nas súas contas Lino Vázquez.
O Arxil prepara un proxecto continuista pero con algúns cambios
Polo que atinxe ao apartado puramente deportivo, a idea inicial é manter a aposta por un proxecto continuista dentro das verdes. “Polos perfís de xogadoras que eu intúo que teñen que estar nesa liga está claro que non vale toda a plantilla deste ano”, unhas por que non deron o rendemento adecuado, outras que terán aspiracións de Liga 1 ou PRO e en aspecto formativo porque a liga pode estar nun escalafón aínda por conquistar.
Lino Vázquez, directivo do CB Arxil: “Con estar aí non nos chega, queremos aspirar a máis. Pero en deporte feminino, o primeiro é sobrevivir”
“Non se se chamalo proxecto novo, pero vai ser moi adaptado ao novo escenario”, di Lino Vázquez, que se marca como premisa non perder a esencia do CB Arxil pero facer un equipo competitivo. “Con estar aí non nos chega, queremos aspirar a máis”, pero deixando claro que o ascenso segue sen ser unha urxencia. “En deporte feminino o primeiro é sobrevivir”, matiza.
