Clàudia Pons, seleccionadora do conxunto absoluto de España, fixo pública a súa convocatoria para a concentración de decembro. Entre as catorce elixidas, atópanse tres galegas: Jenny Lores, do Ourense Envialia FS, Ale de Paz e Peque, do Pescados Rubén Burela e Nerea Moldes, da AD Alcorcón.
A Selección Española aproveita a ventá de concentracións para levar a cabo unha convocatoria das súas xogadoras internacionais absolutas. O plan é traballar con elas entre os días 13 e 15 de decembro. O escenario será a Ciudad del Fútbol de Las Rozas. Esta concentración vaise realizar en modo burbulla para seguir as medidas de precaución que buscan impedir a transmisión do coronavirus COVID-19.
Ademais, a Selección Absoluta enfrontaranse ao combinado español feminino da categorías sub-21 o vindeiro 15 de decembro, xusto ao final da concentración. O enfrontamento deportivo celebrarase no pavillón da Ciudad del Fútbol, e o seu comezo está fixado a partir das 12:30 horas.
Catro futbolistas e dous clubs representan a Galicia na Selección
Jenny Lores, peche do conxunto ourensán do Envialia, volve a unha concentración da Selección Absoluta, despois de perder a anterior convocatoria. A deportista quedouse fóra naquel momento ao estar pasando un periodo de illamento que tivo que cumplir toda a plantilla do Ourense Envialia para cumplir o protocolo COVID-19
Por parte do Burela, as futbolistas Peque e Ale repiten co combinado estatal español. Ale de Paz estivo tamén presente na outra convocatoria desta tempada, nos amistosos de Portugal. Daquela, tivo enfrento a outra Guerreira Laranxa, Jenni, que defendía a elástica do lado portugués. Os encontros remataron cun empate 3-3 e cun triunfo luso 4-3, nuns partidos nos que Peque non pudo participar por unha luxación do ombro.
Así mesmo, haberá representación galega desde equipos de fóra de Galicia. É o caso de Nerea Moldes, natural de Poio e actual xogadora da AD Alcorcón, que tamén entra nesta convocatoria. A ala pontevedresa ten un palmarés que inclúe un campionato nacional de Primera División (2016/2017), unha Copa de S.M. la Reina (2016), dúas Supercopa Femenina (2016, 2017) e dous campionatos de clubs de Europa (2017, 2018).
A listaxe completa de convocadas pode consultarse nesta ligazón.
🚨 OFICIAL | Clàudia Pons da la lista de la Selección Femenina de Fútbol Sala para los entrenamientos de diciembre.
🔗 https://t.co/LtNZK1JDZt pic.twitter.com/S4aDNDZR4A
— Selección Española Femenina de Fútbol (@SeFutbolFem) December 3, 2020
Judith Pedreira estrea convocatoria coa sub-21, onde tamén estarán Caridad, Antía e Martita
Entre as boas novas do Ourense Envialia, está a convocatoria doutra das súas xogadoras co equipo español pero en categorías inferiores. É o caso de Judith Pedreira quen, por primeira vez, acude a unha convocatoria da selección sub-21 ás ordes de Íñigo Martínez.
Desde o club ourensán felicitan á xogadora e recordan que “pasou uns meses difíciles pero nunca baixou os brazos, como fixo sempre desde que chegou aquí, vivindo este deporte como o que é, a súa paixón, a súa ilusión. Toda unha profesional que adora o fútbol sala”, declaran.
A ela uniránse Caridad García e Antía Pérez, do Poio Pescamar FS e ‘Martita’ López Pardo, do Viaxes Amarelle. As xoves futbolistas terán así a oportunidade de enfrontarse ao combinado absoluto, e crecer no seu xogo xunto ás compañeiras internacionais.
O listado completo de xogadoras convocadas para a sub-21 pode consultarse nesta ligazón.
🇪🇸 Tres xogadoras galegas, convocadas pola @SeFutbolFem Sub 21 de Fútbol Sala para unha concentración en Las Rozas
👉 @maartitaa9, do @amarellefsf
👉 @JudithPedreira, do @OUenvialiaFSF
👉 @antipg8, do @PoioPescamarfs🗒️ Na convocatoria tamén está Caridad, do @PoioPescamarfs https://t.co/1Ojh0y26Hy
— RFGF (@futgal) December 3, 2020
