Os primeiros días de febreiro traerán un duelo entre algunhas das mellores xogadoras de futsal do mundo. O martes 9 e o mércores 10, a Selección Española e a Selección de Brasil enfrontaranse nuns partidos con presencia laranxa. Catro xogadoras do Pescados Rubén Burela FS foron convocadas para estes encontros.
Trátase das Guerreiras Laranxas Jozi, Dany, Cami e Jane, que participarán no bando brasileiro nesta cita entre as dúas potencias mundiais do fútbol sala feminino. O equipo da Canarinha estará composto por outras brasileiras de equipos españois e italianos.
Consulta nesta ligazón o listado completo de convocadas coa Selección de Brasil.
Polo de agora, a Selección Española non publicou a lista de convocadas, para estes amistosos que se xogarán en Las Rozas. Estes dous encontros celebraranse no Pavillón da Cidade do Fútbol. Ambos comezarán ás 21:00 horas e serán retransmitidos por Teledeporte.
📢🇧🇷 Las burelistas @Jozi_Oli1, @danyafera8, @CamilaGadeia y @JaneMarques_11 convocadas con Brasil para dos amistosos🆚la @SeFutbolFem el 9 y 10 de febrero en Las Rozas.
📺Los choques entre las potencias mundiales de #Futsal podrán seguirse en @teledeporte 👏🏾.#OrgulloLaranxa🧡 pic.twitter.com/54LzJgM1jW
— Pescados Rubén Burela FS (@burelafs) January 22, 2021
