O fútbol sala galego segue demostrando o seu alto nivel. Despois do recoñecemento nos premios Futsal Planet, catro galegas e dúas xogadoras de clubs galegos participarán coa Selección Española nos amigables con Brasil.
Jenny Lores, do Ourense Envialia, Silvia, do Poio Pescamar, Ale de Paz, do Pescados Rubén Burela e Vane Sotelo, da AD Alcorcón foron convocadas por Claudia Pons para esta concentración. Tamén estarán Peque, do Burela e Caridad García, do Poio.
A Selección prepara ás ordes de Pons os amigables con Brasil
En total, a seleccionadora Clàudia Pons escolleu ás 14 xogadoras que formarán parte desta concentración e dos amigables coa Canarinha do 9 e 10 de febreiro.
Desde o día 7 deste mes e ata o 11, as futbolistas aloxaranse na Ciudad del Fútbol de Las Rozas, onde adestrarán e disputarán a dobre cita con Brasil. Estes dous partidos, ambos ás 21:00 horas, retransmitiranse por Teledeporte.
| A @SeFutbolFem cita a para un dobre compromiso amigable ante Brasil
➡️ @Jenny_Lores, do @OUenvialiaFSF
➡️ @silviaagu1, do @PoioPescamarfs
➡️ @AledePazG, do @burelafs
➡️ @Vaneyvienen, do @ADAlcorconFSF pic.twitter.com/jdanqjSmpT— RFGF (@futgal) February 1, 2021
Estas galegas enfrontaranse a catro brasileñas que militan entre as Guerreiras Laranxas . Do lado da Canarinha estarán Jozi, Dany, Cami e Jane, convocadas pola súa Selección para estes duelos.
Polo tanto, neste espectáculo do cinco contra cinco entre as dúas grandes potencias do fútbol sala mundial haberá unha gran presencia do club da Mariña cun total de seis xogadoras do Pescados Rubén. Peque e Ale Paz mediranse a un combinado que contará tamén coa garra das Guerreiras Laranxas representada por Jozi, Dany, Cami e Jane.
Convocadas as dúas porteiras do Poio
Por outro lado, case se podería dicir que a portaría do Poio Pescamar é a da Selección xa que dúas das tres porteiras que convocou Clàudia Pons, Silvia Aguete e Caridad García, son deste club galego. A terceira convocada para defender a meta española é Marta, do Futsi At. Navalcarnero.
O listado completo de futbolistas convocadas por Clàudia Pons
Case unha quincena de xogadoras, de oito equipos distintos, foron as elixidas para estes amigables. Esta é a lista completa:
- Marta Balbuena, do Futsi Atlético Navalcarnero
- Silvia Aguete, do Poio Pescamar
- Caridad García, do Poio Pescamar
- Noelia Montoro, do STV Roldán
- Jenny Lores, do Ourense Envialia
- Elenita García, do Universidad de Alicante
- Ana Luján, do Futsi Atlético Navalcarnero
- Irena Samper, da AD Alcorcón
- Ale de Paz, do Pescados Rubén Burela
- Ampi Jiménez, do ASD Citta di Montesilvano
- Peque, do Pescados Rubén Burela
- Pepa Susarte, da AD Alcorcón
- Vane Sotelo, da AD Alcorcón
- Amelia Romero, do Futsi Atlético Navalcarnero.
