Na Liga Feminina 2 de baloncesto, este fin de semana, os equipos galegos non se desprazan. O Celta, en Navia, recibe o Patatas Hijolusa. Os afeccionados da cidade departamental disfrutarán na Malata do seu equipo ante o Pacisas Alcobendas. O Arxil volve a facer un chamamento a afección para que acodan ao CGDT ante o ADBA. O Cortegada enfróntase na casa ó Barakaldo.
O Celta Zorka Recalvi recibe o Patatas Hijolusa
As de Cristina Cantero xogan este fin de semana (o sábado 1 de febreiro, ás 18.30 horas) no pavillón de Navia. Reciben o Patatas Hijolusa, o oitavo da Liga Feminina 2.
Cunha diferenza de un punto, o Celta sitúase por diante do conxunto de León. As viguesas intentarán gañar por todos os medios despois de plantarlle cara ó líder, o Movistar Estudiantes. A pesar de non acadar a vitoria en Madrid quedáronse cun bo sabor de boca. As súas rivais tamén perderon ante o Leganés na pasada xornada.
As da cidade olívica xa saben como xogan o Patatas Hijolusa. Na xornada 3 en León leváronse a vitoria cun espectacular partido de Richardson e Lacorzana. Gañaron por un 49 a 76.
DATOS DE INTERESE
DÍA E HORA: 1 de febreiro, ás 18.30 horas.
CAMPO: Pavillón de Navia- Vigo.
INCIDENCIAS: Partido correspondente a xornada 16 da Liga Feminina 2 no que enfrontará ao Celta Zorka Recalvi e o Patatas Hijolusa no Pavillón de Navia en Vigo.
A cidade departamental desfrutará do Baxi ante o Alcobendas
O pavillón de A Malata acollerá un enfrontamento de este sábado (1 de febreiro, ás 19.00 horas) moi importante entre o Baxi Ferrol e o Pacisa Alcobedas. Dos equipos que están empatados na táboa con 26 puntos (as de Ferrol son terceiras e as madrileñas, quintas). Ambas teñen como obxectivo clasificarse para a fase de ascenso.
O conxunto da capital teñen un dos mellores equipos da categoría e conta cun quinteto moi potente con Lucía Togores, Clara Rodríguez, Daira Varas, Rachel Howard e Kiara Kudrón. “Levan unha clara liña ascendente con cinco vitorias consecutivas. Fai unha defensa exterior agresiva con rápidas transicións”, comenta o adestrador do Uni, Lino López.
A preocupación para o técnico ferrolá é que “sean capaces de facer unha boa defensa e elas non poidan dispoñer de segundas opcións en ataque o que perdamos balonces e podan correr”. Pero el mesmo recoñece que o seu equipo está “nunha fase de crecemento que está traballando moi ben”. A única xogadora con molestias é Tamara Kapor, no nocello.
Saben que vai a ser complicado posto que na xornada 3 só as separaron un punto no electrónico cun partido moi reñido. A americana Laura Howards enchufou 24 puntos pero Marta Tudanca, unha das que se sobresaiu ante o Ibaizabal, saíuse con 25.
DATOS DE INTERESE
DÍA E HORA: 1 de febreiro, ás 19.00 horas.
CAMPO: Pavillón Municipal de A Malata- Ferrol.
INCIDENCIAS: Partido correspondente a xornada 16 da Liga Feminina 2 no que enfrontará ao Baxi Ferrol e o Pacisa Alcobendas no Pavillón Municipal de A Malata.
O Arxil volve a chamar a afección ante o Pozuelo
O equipo da cidade do Lérez enfróntase este sábado (1 de febreiro, ás 19.30 horas) no segundo partido a cara o cruz da tempada, a primeira final. Reciben o ADBA de Avilés que se atopa con penúltimo con dúas vitorias.
En xogo está conseguir casi a permanencia na Liga Feminina 2, algo que supoñería unha gran tranquilidade para o Arxil e adelantar na clasificación o Cortegada e Barakaldo e ver as cousas con outra. As rivais chegan cun cambio de adestrador e un novo fichaxe, o da pivot de Wanyama. Tamén pode que dispute en Pontevedra, a base Laura Chadour. As avilesas veñen de perder en casa ante o Leganés de 20 (58-78).
No plantel do equipo pontevedrés volven a facer este fin de semana un chamamento a afección para que repita o cheo do pasado sábado ante Pozuelo, co cal lograron a vitoria, e así volvelo a repetir. Esta semana as xogadoras estiveron xunto Yoya Blanco, a concelleira de Turismo. No prinicipio de tempada as diferenciou un punto en Avilés (50 a 51) onde María Lago fixo 14 puntos.
DATOS DE INTERESE
DÍA E HORA: 1 de febreiro, ás 19.30 horas.
CAMPO: Pavillón do CGTD (Estadio da Xuventude)- Pontevedra.
INCIDENCIAS: Partido correspondente a xornada 16 da Liga Feminina 2 no que enfrontará ao C.B. Arxil contra o ADBA no pavillón do CGTD, o Estadio da Xuventude.
En Fontecarmoa, o Cortegada contra o Barakaldo
A permanencia está moi reñida. Nos últimos postos e empatados a puntos (19) atópanse os rivais que xogaran en Fontecarmoa o sábado (1 de febreiro, ás 19.30 horas), o Cortegada e o Barakaldo. Ambos están nunha situación crítica xa que as de Vilagarcía levan unha racha de tres derrotas, sendo a última ante o Añares Rioja e as vascas de 4.
‼️‼️‼️Esta semana volvemos a jugar en casa, lo haremos contra HGB AUSARTA BARAKALDO E.S.T. Os esperamos mañana, como siempre a las 19:30h. en Fontecarmoa!!! ⛹️♀️⛹️♀️⛹️♀️ pic.twitter.com/QJSQFrqInZ
— AD CORTEGADA (@ADCORTEGADA) January 31, 2020
O conxunto dirixido por Ruben Domínguez son décimas con catro vitorias fronte a once derrotas. A mínima diferenza co rival son os puntos en contra. O Cortegada recibiu 1088 e as de Barakaldo 1109. Nos puntos a favor, as vascas están por diante. Ademais cabe destacar que o equipo de Vilargacía xa lle ganou en Lasesarre por un 65 a 84 onde Patri Vicente fixo un total de 22 puntos.
DATOS DE INTERESE
DÍA E HORA: 1 de febreiro, ás 19.30 horas.
CAMPO: Pavillón Municipal de Fontecarmoa – Vilagarcía de Arousa.
INCIDENCIAS: Partido correspondente a xornada 16 da Liga Feminina 2 no que enfrontará ao A.D. Cortegada contra o HGB Ausarta Barakaldo E.S.T. no Pavillón Municipal de Fontecarmoa.
