O mellor momento do Durán Maquinaria Ensino volve a sorprender unha semana máis. Esta vez, fóra da casa. No polideportivo de Mendizorrotza, os afeccionados que acudiron ó encontro presenciaron a cuarta vitoria consecutiva do conxunto lucense. Logran firmar unha vitoria desde o inicio, posto que durante tres minutos as locais mantiveron o seu electrónico a cero, ante o RPK Araski de a galega Raquel Carrera.
Unha vez máis, o Ensino volvía a xuntar sobre a pintura a Kalis Loyd, Atonye Nyingifa, Britany Miller e Bea Sánchez baixo a dirección de Aleksandra Stanacev. Por parte do conxunto de Vitoria, saía a pista a galega Raquel Carrera. Antes do salto inicial, as lucenses sabían que iban a disputar un partido complicado. As vascas ían a buscar o cinco de cinco na súa casa pero máis que nunca as da cidade amurallada querían as dez vitorias na Liga Endesa.
Tras o asubío, o RPK Araski non sabía o pesadelo que ían a vivir durante os tres minutos iniciais. As nosas xogadoras saíron a por todas e mantiveron o electrónico local a cero no que firmaron un irresistible parcial co que encarrilarían o choque: 0 a 9. O que fixo que detivera o encontro Madalen Urieta, que nin sequera poido frenar este tempo morto.
Aleksandra Stanacev, do Ensino, firmou tres tiros desde o triplo
Pero non impediu que Nyingifa seguira liderando con trece puntos a un equipo no que Britany Miller encargouse de poñerlle a salsa o rebote, con catro, e que Bea Sánchez fixérase moi forte baixo o aro para aportar o equilibrio entre liñas de 19 puntos: 6-25.
Con esa inercia e con cada xogadora inabordábel no seu papel, as de Lugo lograron manter esa renta de vintetntos durante un gran número de minutos, concretamente ata os últimos do terceiro cuarto no que un triple Tania Pérez parecía impulsar as locais cun 33 a 50 no marcador. Nesta ocasión, Carlos Cantero parou o tempo. Para volver a tranquilidade necesaria para poder culminar o choque sen dificultade algunha sumando a súa cuarta consecutiva e arrebanto ao seu rival o average: 52-68.
A nixeriana, unha semana máis, sáese na valoración con 17 puntos e 25 de valoración. Aínda que non está soa posto que Aleksandra Stanacev firmou trece con nove deles desde a liña de 6,75 metros, acadando os 16 de valoración. A galega do plantel vasco, Raquel Carrera, tan só fixo catro puntos.
Pequeno parón na Liga Endesa polo Preolímpico
A próxima semana non teremos competición da Liga Endesa. Pero o baloncesto seguirá rodando posto que disfrutaremos do Preolímpico por parte da selección española, na cal estará a nosa galega Tamara Abalde. Esta semana. Fai unhas semanas anuncíabamos que a cita sería en China pero debido a alerta polo coronavirus trasladaron a fase clasificatoria para os Xogos Olímpicos de Toquio á Belgrado (Serbia).
As lucenses contarán tamén co seu gran de area neste torneo. Aleksandra Stanacev foi convocada coa selección de Serbia, Nyingifa con Nixeria e Kalis Loyd con Suecia. Por sorte a selección de España non terá que enfrontarse a ningún destes países, pero estaremos moi atentos para que as nosas estén nos xogos.
Teremos que esperar dúas semanas para ver de novo no pavillón as de Lugo. Na xornada 20, no Pazo Provincial dos Deportes, recibirán como locais o Campus Promete (o domingo 16, ás 18.00 horas).
FICHA TÉCNICA
RPK ARASKI: Izaskun García, María del Carmen Molinuevo, Raquel Carrera, Shacobia Barbee, Tamara Seda —quinteto inicial—, Cristina Molinuevo, Laura Quevedo, Natalie Van den Adel, Laura Pardo e Tania Pérez.
DURÁN MAQUINARIA ENSINO: Kalis Loyd, Aleksandra Stanacev, Atonye Nyingifa, Britany Miller, Bea Sánchez —quinteto inicial—, Brittany Dinkins, Laura Aliga, Shereesha Richards e Fiona O’Dywer.
PARCIAIS: 6-25, 15-17, 15-12, 16-14
ÁRBITROS: Jesús Marcos Martínez Prada, Jorge Caamaño Muñoz e Victor Rafael González Banderas.
INCIDENCIAS: Partido correspondente a xornada 19 da Liga Endesa de baloncesto feminino na que enfrontaba ao RPK Araski e o Durán Maquinaria Ensino no Polideportivo de Mendizorrotza en Vitoria-Gasteiz.
