Ferrol e Lugo teñen o seu derbi na división de prata de fútbol sala. O FSF Castro, equipo revelación da categoría, recibe ao Valdetires que quere afianzar o seu terceiro posto da táboa. O derbi galego xogarase no Municipal de Castro ás 19:30 horas.
O técnico galego do FSF Castro advirtiu da dificultade de recibir a un dos equipos máis fortes da Liga: “Tócanos recibir a un dos rivais fortes da categoría, que ten unha plantilla amplia e experimentada. No partido da primeira volta en Ferrol (4-2) creo que houbo un tempo para cada equipo”.
Martínez, adestrador do Castro: “Tócanos recibir a un dos rivais fortes da categoría, que ten unha plantilla amplia e experimentada. No partido da primeira volta en Ferrol (4-2) creo que houbo un tempo para cada equipo”.
“Unha semana máis non podemos contar coa plantilla ao completo”, lametouse Martínez sobre as baixas coas que afronta de cara ao derbi. As de Castro de Rei recuperan a Verónica pero teñen a baixa da porteira Uxía por sanción debido á expulsión da xornada pasada ante o Valladolid. Andrea Mosquera tamén será baixa para o partido e, desde o club, apuntan que non estará disponible como mínimo, unha semana máis.
Martínez, adestrador do Castro: “As afeccións poderán gozar dun gran derbi e un gran partido. O Valdetires seguro que quererá asegurar a terceira praza que lle permita xogar a promoción de ascenso ao terminar a liga”.
Martínez tamén destacou a fortaleza do equipo cando xoga na súa casa: “Temos que aproveitar que nós somos un equipo moi forte en casa e poñerémoslle as cousas moi difíciles a calquera equipo que veña a xogar a Castro”.
Martínez, adestrador do Castro: “Temos que aproveitar que nós somos un equipo moi forte en casa e poñerémoslle as cousas moi difíciles a calquera equipo que veña a xogar a Castro”.
O adestrador do Valdetires, Diego Pardo, falou durante a previa da ilusión e das ganas de certificar os postos de promoción de ascenso canto antes, obxectivo da tempada para as ferrolás: “Se gañamos ao Castro distanciariámonos dun rival directo e abririamos brecha cun dos equipos da zona alta. Non temos presión por gañar nunha pista complicada, pero temos moita ilusión e ganas de certificar o noso obxectivo canto antes”.
Diego Pardo, adestrador doValdetires: “Se gañamos ao Castro distanciariámonos dun rival directo e abririamos brecha cun dos equipos da zona alta. Non temos presión por gañar nunha pista complicada, pero temos moita ilusión e ganas de certificar o noso obxectivo canto antes”.
Pardo tamén tivo unhas verbas de eloxio de cara ao seu rival galego do sábado e quixo felicitalas pola gran tempada que están a facer na súa primeira campaña na división de prata: “Elas en casa son un equipo moi sólido e seguro que quererán sacar un resultado positivo ante a súa afección. O Castro é o equipo revelación da categoría e están na zona alta por méritos propios. Temos que recoñecer o traballo do seu adestrador e das súas xogadoras e están a demostrar que poden xogar nesta categoría”.
Diego Pardo, adestrador do Valdetires: “Elas en casa son un equipo moi sólido e seguro que quererán sacar un resultado positivo ante a súa afección. O Castro é o equipo revelación da categoría e están na zona alta por méritos propios. Temos que recoñecer o traballo do seu adestrador e das súas xogadoras e están a demostrar que poden xogar nesta categoría”.
As ferrolás enfróntanse por terceira vez ante o Castro no que vai de tempada, e buscarán levarse o terceiro duelo tras gañar os dous anteriores, no partido de ida de Liga e na Copa Galicia.
Diego Pardo, adestrador do Valdetires: “É a terceira vez que nos imos a enfrontar a elas nesta tempada. Gañamos as dúas veces anteriores pero as dúas foron en casa. Esperemos que esta terceira vez tamén podamos levarnos a vitoria”.
