O Castro viaxa ata Pamplona para xogar contra un rival directo polo cuarto posto. As galegas enfróntase ao UCD Txantrea o vindeiro sábado ás 18:00 no polideportivo de Arrosadia. O equipo revelación da tempada a pesar de estar na quinta posición non se quere afastar do seu obxectivo primordial que é o de salvar a categoría canto antes. O técnico galego do Castro falou sobre este aspecto durante a previa: “A pesar de estar quintas na táboa, nós seguimos pelando polo mesmo obxectivo que ao principio da tempada que é o de salvar a categoría canto antes”.
Martínez, adestrador do Castro: “A pesar de estar quintas na táboa, nós seguimos pelando polo mesmo obxectivo que ao principio da tempada que é o de salvar a categoría canto antes”.
Martínez, tamén tivo unhas verbas sobre o seu rival de mañá: “Esta xornada toca enfrontarnos a un rival difícil que foi de menos a máis. Tan só perdeu tres partidos no que vai de tempada e a pesar do resultado da ida (4-2) non foi un partido fácil. O Txantrea é un rival moi forte fisicamente e creo que vai ser o que máis posibilidades ten de meter presión aos tres de arriba”.
Martínez, adestrador do Castro: “Esta xornada toca enfrontarnos a un rival difícil que foi de menos a máis. Tan só perdeu tres partidos no que vai de tempada”.
O técnico do Castro quixo destacar que o seu equipo “está mentalizado para o bo e para o malo. Seguimos coa cabeza alta a pesar da derrota avultada da semana pasada. Sabemos que unha vitoria daríanos opcións a pelexar polo cuarto posto”.
Martínez, adestrador do Castro: “O equipo está mentalizado para o bo e para o malo. Seguimos coa cabeza alta a pesar da derrota avultada da semana pasada. Unha vitoria daríanos opcións a pelexar polo cuarto posto”.
O cadro galego non poderá contar con Andrea, que segue de baixa por lesión, pero recupera á porteira Uxía tras cumprir o seu partido de sanción.
