O Castro ten unha cita importante o vindeiro sábado ás 18:00 horas no pavillón de Castro Ribeiras de Lea fronte ao Rodiles. As galegas, a pesar dos últimos resultados, seguen a ser o equipo revelación da tempada e quere seguir sumando para asegurar a permanencia canto antes.
O conxunto de Castro de Rei sitúase na sexta posición da táboa da División de prata e suma 22 puntos. A pesar de manter unha boa distancia co descenso, o seu técnico non quere sustos no final da tempada: “Unha vitoria poñerianos a 13 puntos do descenso e darianos moita tranquilidade para seguir pelexando polo noso obxetivo que é asegurar a permanencia canto antes”.
Martínez, adestrador do Castro: “Unha vitoria poñerianos a 13 puntos do descenso e darianos moita tranquilidade para seguir pelexando polo noso obxetivo que é asegurar a permanencia canto antes”.
Co respecto ao seu rival do sábado, Martínez destacou que as astures son “un rival que creo que non merece estar tan abaixo na clasificación. O Rodiles foi de menos a máis na Liga e seguro que vai quedar na zona media da tabla. É un equipo moi vertical, cunha boa plantilla e boas xogadoras pero non está tendo sorte cos resultados”.
Martínez, adestrador do Castro: “O Rodiles foi de menos a máis na Liga e seguro que vai quedar na zona media da tabla. É un equipo moi vertical”.
Para o encontro, Martínez conta coas baixas de Lara por sanción e Andrea que segue en proceso de recuperación.
