Coa fin de aportar maior seguridade á práctica do hoquei a patíns en categorías de base, a Federación Española de Patinaxe vén de aprobar a obrigatoriedade do uso do casco nesta modalidade deportiva desde a categoría infantil cara a baixo.
A norma foi ratificada pola Real Federación Española de Patinaxe que pretende velar principalmente pola seguridade das e dos deportistas, principalmente nas categorías base. No seu día, homologou a protección do casco “Prokover”, despois de pasar todas as probas que son necesarias para a súa homologación e a súa posterior comercialización.
Segundo informa a Federación Galega de Patinaxe (FGP), a Comisión Delegada da Real Federación Española de Patinaxe aprobou o cambio nas bases de competición e no Regulamento Xeral de Competicións (Art. HP-18) mostrando a obrigatoriedade do casco para todos os equipos de categoría Infantil e inferiores.
Desde xa, en todos os equipos que compitan en categoría Infantil, alevín e de Seleccións Autonómicas, as e os xogadores de pista, independentemente das e dos porteiras/os, estarán obrigados a utilizar o casco protector para a cabeza e cara.
No resto de categorías BASE (junior, xuvenil e Sub 17 feminino) as xogadoras de pista, non porteiras, poderán utilizar estas proteccións sen a obrigatoriedade das categorías indicadas.
As proteccións autorizadas tan só poderán ser as que figuran no Regulamento Xeral de Competicións, que é o mesmo a nivel internacional de World Skate, e homologadas pola Real Federación Española de Patinaxe.
Estas proteccións homologadas pola RFEP poderán ser utilizadas, tanto en todas as competicións de categoría base tuteladas pola RFEP, como naquelas competicións que sexan tuteladas polas diferentes Federacións Autonómicas integradas na RFEP, por ostentar estas a súa representación na respectiva Comunidade Autónoma de conformidade co establecido no Artigo 52 dos Estatutos da RFEP.
As federacións autonómicas, para as súas competicións, poderán homologar a utilización doutro tipo de proteccións, unicamente para a súa comunidade, pero iso non conleva, en ningún caso, que poidan prohibir o uso do casco homologado por World Skate e a RFEP “Prokover”, xa que están integradas e forman parte da RFEP.
