Charly Carreño, novo adestrador do CV Arenal Emevé, amosábase “contento” ao final do partido no que as Loitadoras colleitaban unha merecida vitoria por 3-0 diante do Ocisa Haro Rioja Vóley.
Para o técnico do CV Arenal Emevé, Charly Carreño: “O equipo fixo un grande esforzo anímico e táctico para entender o partido. Entendéronno moi ben e respectárono. Penso que iso serviunos para facer un partido sólido nos tres sets”.
Explicaba Charly Carreño que neste choque ante o Ocisa Haro Rioja Vóley “a liña de recepción estivo sólida todo o partido e facilitaron que os sistemas de ataque fosen máis sinxelos. As tres receptoras que participaron hoxe estiveron moi ben, adaptáronse ao que pedía o rival. Se esa liña de recepción axuda, o traballo de Valentina vese favorecido”.
“Gustoume o equipo tacticamente en bloqueo”, sinalaba Ocisa Haro Rioja Vóley. Para o técnico das Loitadoras, o bloque que adestra “entendeu ben o partido. Tiñan claro o que tiñan que xogar. Un dos meus obxectivos é que o equipo entenda o partido, que as xogadoras sepan adaptarse ao que o rival vai cambiando. E adaptámonos moi ben”.
“Vexo un espíritu perfecto. As ganas e a ambición están aí”, concluía na súa comparecencia ante os medios logo do partido Charly Carreño.
