O Club de Ximnasia Rítmica de Carral celebrou en colaboración co concello carrelés, a 6ª edición do seu Torneo de Ximnasia Rítmica. Porén, debido á situación sanitaria actual, a competición trasladouse, este ano, ao formato telemático e foi un éxito.
En categoría individual sénior base impúxose o exercicio de Mónica Rodríguez, do Club Rítmica Porriño, seguida no podio por Nerea Montes, do Club Ximnasia Rítmica Carral, e Alba Varela do Club Viravolta. En categoría conxuntos sénior prebase venceu a coreografía do X. Rítmica Abegondo, seguida do Club María Barbeito e das anfitrionas, o Club Ximnasia rítmica Carral.
En concreto, as trinta actuacións incluídas na programación desta sexta edición da cita deportiva retransmitíronse a través da canle que na rede Youtube ten o departamento de Deportes do Concello de Carral.
Nesta competición que contaba con diferentes categorías individuais e por conxuntos, déronse cita, ao longo de toda a mañá, un total de nove clubs das provincias da Coruña e Pontevedra.
O torneo de Carral estivo dividido en dúas partes: a primeira consistirá na publicación das diferentes actuacións das agrupacións, mentres que a segunda realizouse a deliberación do xurado.
Os números dos diferentes clubs fixéronse públicos na mañá cun descanso de 20 minutos.
O xurado, composto por Elena Sierra, profesora no INEF da Coruña, Míriam Fernández e Sandra Estrada (ambas as dúas ximnastas de nivel e adestradoras) foi valorando as actuacións a medida que se vaian publicando.
As clasificacións do Torneo de Ximnasia Rítmica de Carral fixéronse tamén xa públicas e os trofeos, que son un total de 21, vanse ir enviando aos clubs gañadores nos vindeiros días.
Resultados 6º Torneo Ximnasia Rítmica Carral
Conxuntos benxamín escolar:
- Club Biqueira
- Club Saraiba Ed. Poio
- Club Rítmica Coruña
Conxuntos alevín promoción:
- Club Viravolta
- Club X. rítmica Carral
- Ximnasia Rítmica Abegondo
Conxuntos cadete promoción:
- Colexio Obradoiro
- Club Viravolta
- Club Rítmica Coruña
Conxuntos sénior promoción:
- Club Biqueira
- X. Rítmica Abegondo
- Club X. Porriño
Conxuntos cadete prebase
- Club X.Rítmica Carral
- Club X. Rítmica Abegondo
Conxuntos sénior prebase:
- X. Rítmica Abegondo
- Club María Barbeito
- Club Ximnasia rítmica Carral
Individual sénior base:
- Mónica Rodríguez – Club Rítmica Porriño
- Nerea Montes – Club X. Rítmica Carral
- Alba Varela – Club Viravolta
PODIOS
Este 6º Torneo de Ximnasia Rítmica de Carral contou coa participación dos seguintes clubs:
- Club Rítmica Coruña.
- Club Agarimo.
- Club Saraiba.
- ED. Poio.
- Club Biqueira.
- XR. Abegondo.
- Club XR Carral.
- Colexio Obradoiro.
- Club de Ximnasia Porriño.
- Club Viralvolta.
PARTE 1
PARTE 2
