O piragüismo galego está un paso máis preto de competir en Toquio 2021. A padexeira Carolina García, quen forma equipo coa asturiana Sara Ouzande coa embarcación do K2 500, competirá na final do Preolímpico de Szeged. A final do clasificatorio de Hungría terá lugar na tarde deste xoves, 13 de maio.
Nesta categoría só hai en xogo unha praza para os Xogos Olímpicos, polo que o nivel de dificultade é máximo. A deportista do Escuela de Piragüismo Ciudad de Pontevedra tivo que dalo todo na semifinal coa súa compañeira do Kayak Tudense para obter o pase á final.
Na primeira proba, García e Ouzande quedaron cuartas da semifinal do K2 500, tendo a oportunidade de competir na seguinte quenda pola clasificación á final. Cun tempo total de 1:50.46, o equipo da galega remontou para asegurar a súa presenza na carreira final.
❗️| La gallega Carolina García y la asturiana Sara Ouzande se imponen en la semi de K2 500 del clasificatorio continental. Mañana intentarán conseguir el pasaporte para los JJOO 🔝🔝🔝 pic.twitter.com/FVbtRcYr0x
— PiragüismoEspaña (@RFEPiraguismo) May 12, 2021
