A pontevedresa Carolina García terá opcións de competir por un posto nos Xogos Olímpicos de Toquio 2021. A piraguüista clasificouse coa asturiana Sara Ouzande (DGAN) para o Preolímpico de piragüismo no Selectivo Nacional Sprint organizado pola Real Federación Española de Piragüismo.
A galega da Escola de Piragüismo Ciudad de Pontevedra competiu no clasificatorio na proba K-2 500 metros, xunto á deportista do Kayak Tudense, quedando en primeira posición cun tempo de 1:46.720. Con este resultado, ambas estarán presentes no Preolímpico continental, que se celebrará a mediados do mes de maio en Hungría, e no Campinato Europeo e no Campionato Mundial Absoluto.
La gallega Carolina García y la asturiana Sara Ouzande ganaron hoy el selectivo K2 500 que les da acceso al preolímpico, Europeo y Mundial #piragüismo #selectivosTrasona pic.twitter.com/tXVm29dNhq
— PiragüismoEspaña (@RFEPiraguismo) April 20, 2021
Nesta competición, Carolina García terá que estar na embarcación gañadora, xa que só unha pasará á proba olímpica de Xapón. Ademais desta importante cita no calendario, a pontevedresa tamén ten apuntado o Mundial Absoluto, que terá lugar en Copenhague.
Con máis prazas preolímpicas en xogo e a disputa polos postos na Selección Española, o Selectivo Nacional finalizará o 23 de abril.
