Non puido ser. A embarcación tripulada pola galega Carolina García e a asturiana Sara Ouzande queda fóra dos Xogos Olímpicos de Toquio 2021.
“Non deixei de loitar ata o final”, admitía unha cansa Carolina García tras a regata, na que o pase á competición máis prestixiosa a nivel internacional quedou a un minuto e medio de distancia.
O equipo do K2 500 logrou esta semana no Preolímpico de Szeged o pase á final despois dunha gran actuación na semifinal, cun tempo total de 1:50.46.
Na final, que daba o billete a Toquio, a padexeira da Escuela de Piragüismo Ciudad de Pontevedra, e a asturiana do Kayak Tudense acadaron unha marca de 1:50.30, mellorando o seu anterior tempo, pero quedando a 1.37 das vencedoras, as alemanas Bruessler e Gebhardt. A segunda posición foi para as rusas Podolskaia e Chernigovskaya.
❗️| La gallega Carolina García y la asturiana Sara Ouzande rozan el pasaporte en K2 500 para los JJOO tras quedar terceras en el preolímpico europeo. pic.twitter.com/3N3BP00yZ2
— PiragüismoEspaña (@RFEPiraguismo) May 13, 2021
García e Ouzande, un equipo loitador e unido
En declaracións á Real Federación Española de Piragüismo tras a regata, as dúas padexeiras confesaron que a clave de non ter conseguido o pase foi o cansancio. A semana do Preolímpico de Szeged foi dura e moi competida, sobre todo tendo en conta que só unha embarcación obtería a clasificación olímpica no K2 500.
Carolina García: “A pena é que ao final xa non nos quedaban forzas e ao velo tan preto da rabia”
A galega Carolina García admitía que ambas estaban “moi contentas. Creo que fixemos unha moi boa regata, saímos moi fortes e a pena é que ao final xa non nos quedaban forzas e ao velo tan preto da rabia. Non deixei de loitar ata o final. Pero claro, ata que cheguei e mierei non sabía como ía a cousa”.
Pola súa parte, a súa compañeira Sara Ouzande explicou que “o día estaba duro e estabamos cansas de onte. Para levar tres semanas adestrando xuntas desde o ano pasado, non está tan mal o cómputo xeral”.
Tamén tivo palabras de agradecemento para a pontevedresa, asegurando que “desde o primeiro momento sentín que podíamos gañar, sobre todo despois de ter competido a eliminatoria e ter tan boas sensacións. Eu con Carolina síntome moi a gusto remando e confío nela ao 100%. Sempre ten as palabras que preciso para facer un 500 ben”. O sentimento é compartido, xa que García tamén aseguraba estar “encantada con ela”.
💭 | Escuchamos a Carolina García y Sara Ouzande después de quedarse a las puertas de lograr el pase para JJOO pic.twitter.com/TCw02q1jOS
— PiragüismoEspaña (@RFEPiraguismo) May 13, 2021
