A receptora do CV Arenal Emevé, Carolina Camino, vén de ser elixida a MVP Iberdrola da quinta xornada da máxima categoría do voleibol estatal feminino.
Carolina Camino, xogadora do conxunto galego brillou no axustado choque diante CV Kiele Socuéllamos, sendo determinante no tie-break e a máxima anotadora do encontro, cun total de 36 puntos á súa conta, con tres bloqueos e un 51% de eficacia en remate.
Dentro da lista de mellores xogadoras da Liga Iberdrola de voleibol nesta quinta xornada, o outro rol de receptora desempéñao a xogadora de Cajasol Vóley Dos Hermanas Winderlys Medina, acompañada da súa compañeira Marisa Cerchio, tamén do conxunto nazareno, na posición de oposta.
No posto de colocadora destacou Ivone Martínez de Avarca de Menorca. Os roles de centrais ocúpanos Camila Maldonado de DSV CV Sant Cugat e Fernanda Gritzbach de OCISA Haro Rioja Voley, nun sete ideal que completa Patricia Rodríguez, líbero de Avarca de Menorca.
Accede aos tops da xornada picando nesta ligazón.
