Confírmase que Carolina Arbeláez está lesionada. Segundo os servizos médicos do club deportivista, a deportista colombiana ten unha escordadura de nocello.
O pasado domingo, na Ciudad Deportiva Dani Jarque, Carolina Arbeláez tiña que abandonar o terreo de xogo durante o partido co RCD Espanyol. Corría o minuto 68 de xogo e a futbolista, internacional con Colombia, retirouse lesionada. Agora, logo de lle practicar a exploración pertinentes, desde o RC Deportivo explícase que a futbolista do Dépor ABANCA sofre unha escordadura no seu nocello dereito.
Parte médico de Carolina Arbeláez https://t.co/CrTmdhntvo pic.twitter.com/QlaqfzXQHQ
— RC Deportivo (@RCDeportivo) October 20, 2020
Os Servizos Médicos do Club realizaron o diagnótico que obrigará a Carolina Arbeláez a estar uns días con tratamento médico e de fisioterapia. Explican desde a entidade branquiazul que, segundo a súa evolución, poderase logo iniciar a fase de readaptación deportiva como “paso previo ao seu regreso aos adestramentos co grupo”, ás ordes de Manu Sánchez.
