A xogadora colombiana de 24 anos, Carolina Arbeláez, converteuse hoxe en nova xogadora do Deportivo ABANCA para o ano 2020 con posibilidade de ampliación de contrato. A centrocampista chega procedente do Atlético Huila e foi elixida como mellor xogadora da Liga Aguia feminina en 2018 por Acolfutpro.
Tras alcanzar o subcampeonato co seu equipo, é internacional polo seu país, desde o debut coas sub-17 coa que participou no mundial de Azerbaiyán ata a absoluta, coa que diputó o mundial de Canadá en 2015 (onde recibiu un premio como xogadora revelación) ou nos Xogos Olímpicos de Río en 2016. Tamén disputou a Copa América Feminina de Fútbol e de fútbol sala en Chile 2016.
Carolina Arbeláez viaxará a España nos próximos días para poñerse ás ordes de Manu Sánchez nos primeiros días do ano 2020.
