Carolina Arbélaez foi a primeira incorporación do Deportivo ABANCA durante o pasado mercado invernal e, xunto a súa compatriota Lorena Bedoya, pronto fixéronse un oco nos planes e no esquema de Manu Sánchez. A cafeteira chegou á Coruña sendo unha estrela no seu país, ao que capitanea e co que disputou un Mundial e os últimos Xogos Olímpicos.
A centrocampista falou en rolda de prensa virtual sobre a súa gran adaptación ao equipo e a cidade desde a súa chegada á Coruña: “A adaptación foi moi positiva, pero hai que agradecer a todas as persoas que o fixeron sinxelo. Atopámonos (Bedoya e ela) cun vestiario moi tranquilo que sempre nos está apoiando para dar o mellor, do mesmo xeito que os directivos e o míster, que estiveron moi pendentes de que esteamos ben. Todo foi máis sinxelo grazas a eles”.
Carolina Arbélaez, xogadora do Deportivo ABANCA: “A adaptación foi moi positiva, pero hai que agradecer a todas as persoas que o fixeron sinxelo. Atopámonos (Bedoya e ela) cun vestiario moi tranquilo que sempre nos está apoiando para dar o mellor”.
Tamén recoñeceu que “aínda nos queda moito por dar. Temos moita ilusión neste club. Son moi feliz nesta cidade da Coruña. Estou moi agradecida por todo o que me están axudando a crecer. Espero pronto entregar pronto todo o meu potencial ao xogo do equipo. Tanto a miña compañeira Lorena como eu imos ben e sabemos que aínda nos falta moito por dar. Este club está feito para marcar a diferenza e estamos moi felices na cidade”.
Carolina Arbélaez, xogadora do Deportivo ABANCA: “Tanto a miña compañeira Lorena como eu imos ben e sabemos que aínda nos falta moito por dar. Este club está feito para marcar a diferenza e estamos moi felices na cidade”.
“En Colombia non hai tantos recursos como en España”
A 12 do Dépor valorou a situación polo COVID19 no seu país natal: “A preocupación máis grande é que a miña familia estea ben en Colombia, que se estean coidando. Alí tamén se deron moitos casos e é un país cuxo nivel de sanidade está en desenvolvemento. Non ten tantos recursos como España. Trato de estar en contacto, falar todos os días con eles e crearlle conciencia para que queden en casa. É importante para que non se siga propagando o virus. Ás veces dá un pouco de tristeza, pero non nos descoidamos. Se a familia está ben, nós estamos ben”.
Carolina Arbélaez, xogadora do Deportivo ABANCA: “A preocupación máis grande é que a miña familia estea ben en Colombia, que se estean coidando. Alí tamén se deron moitos casos e é un país cuxo nivel de sanidade está en desenvolvemento”.
Pasión polo freestyle
A colombiana explicou a súa paixón polos malabares co balón. Un freestyle que domina e deixa coa boca aberta a todos os espectadores cada vez que sube un vídeo ás redes: “Encántame facer malabares co balón. Durante estes días de confinamento aproveitei para prácticar novos trucos e ver vídeos para inspirarme. Practícoo porque me fai feliz e gústame”.
Engadiu que “polas tardes despois dos adestramentos con Lucía sigo practicando novos trucos. Espero que o próximo reto sexa unha sorpresa para todos os que están pendentes, aínda que o máis importantes é non romper a tele que teño na sala (risas). Vexo bastantes vídeos para facer novas cousas e aínda non pensei no seguinte. A ver se podo facer algo de maxia e divertilos a todos. É algo que me axuda para a miña técnica. Se vexo un vídeo que me chama a atención practícoo ata alcanzalo. Aínda que me inspira máis facer goles e xogar no campo”.
Carolina Arbélaez, xogadora do Deportivo ABANCA: “Encántame facer malabares co balón. Durante estes días de confinamento aproveitei para prácticar novos trucos e ver vídeos para inspirarme. Practícoo porque me fai feliz e gústame”.
“O partido do Barça non o vou a esquecer xamais”
Arbélaez recoñece un “crecemento enorme” nos seus primeiros meses no Deportivo e na Coruña: “Foi positivo tanto no deportivo como no persoal, un crecemento enorme. Xa só por toparme coas mellores xogadoras do mundo, que están no Barça… O partido de Copa non o vou a esquecer xamais. Foron 119 minutos onde o entregamos todo. Nin sequera perdemos tempo, xogouse ao fútbol. Iso é o bo deste club. Non se trata de seguir gañando, o que máis me sorprende é que lle gusta o como gañar. Xogando ben, dando toques, xogo bonito… O noso estilo debe seguir namorando ao público desde dentro do campo”.
Carolina Arbélaez, xogadora do Deportivo ABANCA: “A miña chegada a Coruña foi positivo tanto no deportivo como no persoal, un crecemento enorme. O partido de Copa contra o Barça non o vou a esquecer xamais”.
“O club é unha gran empresa e está a cumprir con todos”
A crise do coronavirus está afectando a todos os estamentos ecónomicos e o deporte é o fútbol non son menos. Ante a complicada situación, Carolina destacou a imporancia de “ter a cabeza fría e aceptalo. É unha situación que se lle sae das mans ao club e obviamente pode chegar a pasar. Estamos tranquilas. Tivemos apoio 100% no económico e o moral. É unha situación que é de esperar. Esperar a que mellore e se non, tomar as medidas. Respectaremos e apoiaremos o que poida suceder no club. Entendo que pode haber cambios, pero o club é unha gran empresa e está a cumprir con todos”.
Carolina Arbélaez, xogadora do Deportivo ABANCA: “Respectaremos e apoiaremos o que poida suceder no club. Entendo que pode haber cambios, pero o club é unha gran empresa e está a cumprir con todos”.
A colombiana quere que a Liga continúe
“Vai custar a adaptación para volver xogar en Liga. Pero o máis xusto sería que a liga continuase porque as miñas compañeiras fixeron un excelente papel. Por respecto ao todo o traballo que deron as miñas compañeiras debería de continuar, sempre que non haxa riscos nesta pandemia”, puntualizou a mediocentro sobre a posibilidade de que a competición se dea por concluída con motivo da crise sanitaria polo coronavirus.
Carolina Arbélaez, xogadora do Deportivo ABANCA: “Por respecto ao todo o traballo que deron as miñas compañeiras debería de continuar, sempre que non haxa riscos nesta pandemia”.
Por último, a centrocampista colombiana desvelou que está en contacto coas súas compañeiras case todos os días. “Ogallá e pronto podamos saír desta e estar pronto nas canchas, que é o que máis nos gusta. O confinamento é atafegante , pero é un bo momento para dar un respiro ao planeta”, afirmou.
Carolina Arbélaez, xogadora do Deportivo ABANCA: “Ogallá e pronto podamos saír desta e estar pronto nas canchas, que é o que máis nos gusta. O confinamento é atafegante , pero é un bo momento para dar un respiro ao planeta”.
