A favorita no Campionato Galego de Marcha, Carmen Escaríz, non decepcionou e proclamouse gañadora autonómica na proba celebrada en A Pobra do Caramiñal. A marchadora do Ourense Atletismo colgouse a medalla de ouro cun rexistro de 46:01.
Na modalidade masculina, o campión foi Daniel Chamosa da Gimnástica de Pontevedra, chegando a meta nun tempo de 41:22.
Os principais favoritos cumpriron cos pronósticos domiñando de forma clara a proba absoluta dos 10 km., baixo un día propicio a nivel atmosférico para o desenvolvemento deste campionato, apuntan desde a Federación Galega de Atletismo.
No podio feminino, acompañando a Carmen Escaríz, estiveron a Sub18 Oleksandra Kostenko e Aldara Meilán da Atlética Lucense. No masculino, foron prata e bronce o máster Juan Manuel Morales do Marineda Atlético e José Fernández do Real Club Celta.
Ver esta publicación en Instagram
Récords das marchadoras galegas
No resto de categorías, as marchadoras galegas tamén puideron presumir de éxitos. No caso da sub14, a marchadora do San Miguel de Marín Sabela Castelo estableceu un novo récord galego, ao invertir crono de 9:38 sobre aproba dos 2 km.
De igual modo récord galego tamén na categoría máster 50, desta vez por parte dunha compañeira de equipo de Carmen Escaríz. A marchadora do Ourense Atletismo María Soledad Pousa logrou sobre os 10 km. un rexistro oficial de 1h.04.03.
Finalmente, Manuel Polo do Atletismo Narón na categoría máster 45 sumou outro récord galego con 50:05.
Os resultados do Campionato Galego de Marcha
No resto de categorías os campións galegos e galegas desta edición foron os seguintes:
• Absolutos: Carmen Escariz do Ourense A. e Daniel Chamosa da S. Gimnástica
• Sub23: Andrea Ríos do At. Cuntis e Roi Surribas do At. Santiago
• Sub20: Rita Vázquez do Ourense At. e Ismael Díaz do Marineda At.
• Sub18: Oleksandra Kostenko e Pablo Sánchez da At. Lucense
• Sub16: Claudia Sufuentes da At.Lucense e Andrés González do R.C.Celta
• Sub14. Sabela Castelo do S.M. de Marín (RG) e Tomás Bautista do At. Porriño
• Sub12. Alicia Espina e Antón Díaz do At. Narón
• Sub10. Jannat Duque do At. Cuntis e Leo Cernadas da Gimnástica
• Máster 35. Carlos Morales do Ourense At.
• Máster 40. Juan Manuel Morales do Marineda At.
• Máster 45: Emilia Rodríguez do Trega e Manuel Polo do At.Narón (RG)
• Máster 50: Mª Soledad Pousa do Ourense At. (RG)
