As pistas do CGTD de Pontevedra daban acollida a unha nova edición correspondente ao Campionato de Galicia de Marcha en pista na que un importante elenco de marchadoras e marchadores galegos dábase cita para disputar un campionato que contou con moita calidade e algunha sorpresa.
A primeira das sorpresas producíase na final femenina absoluta onde unha formidable Carmen Escaríz do Ourense Atletismo, lograba o título autonómico cun excelente rexistro de 22:14.66. Antía Chamosa da Gimnástica lograba outro non menos meritorio 22:19.87 que supoñen un novo récord galego Sub-23, pero que a obrigan a ceder un título autonómico que viña logrando nos últimos anos. O bronce nesta mesma categoría sería para Alba Perez do Atletismo Negreira con 25:06.50. Galicia conta, sen dúbida, con grandes marchadoras que deixan claro o nivel da nosa comunidade nesta disciplina.
Nos homes si que non houbo sorpresas. Cumpriuse co guión previsto co triunfo do favorito sobre o papel, o medallista mundial Juan Manuel Morales, marchador do Marineda Atlético. O atleta rematou o percurrido cun crono de 21:26.30. Ocuparon postos de podio xunto ao gañador, Ismael Díaz do Atletismo Sada con 22:30.62 e Pablo Sánchez da Atlética Lucense con 22:37.36, segundo informa a Federación Galega de Atletismo.
Récords galegos das marchadoras Sabela Castelo e Soledad Pousa
No resto de categorías cabe salientar o récord galego Sub14 de Sabela Castelo do Vila de Cangas con 9:33.48 malia ós avisos recibidos que a obrigaron a marchar de maneira conservadora. Por último na categoría master, récord galego F50 de Soledad Pousa do Club Ourense Atletismo con 32:32.06
As campioas e campións galegos desta edición do ano 2021 foron:
- Absoluta. Carmen Escariz (Ourense At.) e Juan Manuel Morales (Marineda A.)
- Máster35. Carlos Morales (Ourense A.)
- Máster40. Juan Manuel Morales (Marineda A.)
- Máster45. Emilia Rodríguez (Trega) e Manuel Polo (A.Narón)
- Máster50. Soledad Pousa (Ourense A.) RÉCORD GALEGO
- Máster55. Rosa Sierra (A.Sada)
- Sub23. Antía Chamosa (S.Gimnástica) RÉCORD GALEGO
- Sub20. Alba Nieto (C.A.Negreira) e Roi Surribas (S.Gimnástica)
- Sub18. Salomé Segade (Millaraio) e Ismael Díaz (A.Sada)
- Sub16. Oleksandra Kostenko (At. Lucense) e Pablo Sánchez (A. Lucense)
- Sub14. Sabela Castelo (Vila de Cangas) RÉCORD GALEGO e Manuel Díaz (Marineda A.)
- Sub12 Sabela Raposo (A.Cuntis) e Tomas Bautista (A. Porriño)
- Sub10. Carlota Chaos (A. Lucense) e Antón Fernández (A.Lucense)
