Carmela Cardama acadaba esta fin de semana o quinto lugar no Campionato Europeo como integrante da Selección Española feminina absoluta de campo a través.
O combinado estatal participaba no Campionato de Europa de Campo a Través que se desenvolvía na illa de Irlanda e onde a corredora galega Carmela Cardama, nun estado de forma sensacional, tomaba parte.
ABSOLUTO 🚺#FingalDublin2021
8ª Carmela Cardama
18ª Carolina Robles
33ª Blanca Fernández
34ª Laura Luengo
56ª Lidia Campo#EspañaAtletismo #PasiónPorCompetir pic.twitter.com/vyMop2VsqC— atletismoRFEA (@atletismoRFEA) December 12, 2021
A participación da atleta galega non poido ser mellor. Carmela Cardama acadaba a oitava posición e confirmando o seu excelente estado de forma polo que atravesa. Proba diso é que hai uns meses facía historia ao proclamarse campioa universitaria de atletismo nos 10.000 m. pola Univeridade de Oregón na que traballa e estuda desde fai uns anos.
Por equipos, a Selección Española absoluta ocuparía a quinta posición mellorando o oitavo posto logrado fai dous anos en Lisboa e onde xunto a viguesa entraban en postos de meta as españolas, 18º Carolina Robles; 33ª Blanca Fernández; 34ª Laura Luengo e 56ª Lidia Campo, tal e como lembra a Federación Galega de Atletismo.
No tocante a presenza de atletas galegas nos campionatos de Europa de campo a través, o referente máis importante é da lexendaria atleta Julia Vaquero, quen conseguía nas edicións dos anos 1994 en Alnwick e 1997 en Oeiras nada menos que os subcampionatos de Europa, lebmra a Federación Galega de Atletismo.
Carmela Cardama: “Quero competir ao máis alto nivel”
Ao cruzar a liña de meta neste Europeo na oitava praza, Cardama admitía que “viña a por isto. Quería estar no top 10. Se tivese un día moi bo, tentaría quedar entre as cinco. Quero competir ao máis alto nivel. Aínda que non mo crea de todo saíume ben, estou moi contenta”.
Al cruzar la línea de meta de #FingalDublin2021, Carmela Cardama no podía ocultar su sonrisa. 🤩
OCTAVA de Europa absoluta: 🙌🏻
“Venía a por esto, quería el Top10. Quiero competir con las mejores”#EspañaAtletismo #PasiónPorCompetir pic.twitter.com/EP2nMpV09y
— atletismoRFEA (@atletismoRFEA) December 12, 2021
A deportista galega destacaba nas súa conta de Instagram que tiña pechado o seu “último Europeo na categoría Sub-23 cun 8º posto” e que tamén empezaba a súa participación “categoría senior con otro 8 posto”. Cardama admitía que se cadra lle caera “algunha lagrimiña ou dous ao pasar liña de meta. A pesar de todo o apoio que teño, algúns días teñen sido moi duros e ver que o traballo a resultados tan pronto é algo que non me esperaba”.
Ver esta publicación en Instagram
Carmela Cardama tamén tiña palabras de agradecemento: “Alucíname o rápido que Dathan ten sabido empuxarme a facer máis e cando pararme os pés. Tamén me alucina o ben que soubo ler esta carreira hai días e transmitirme a súa visión. Brindo por moitos máis campionatos con estes sorriso post carreira”.
Ver esta publicación en Instagram
