A Selección Española das Guerreras Junior disputará o Torneo 4 Nacións cunha galega nas súas filas: Carme Castro, xogadora do Conservas Orbe Rubensa Porriño. As españolas concentraranse entre o 20 e o 27 de xuño en Hoznayo y Astillero (Cantabria), cunhas sesións de traballo que culminarán coa competición contra as seleccións de Portugal, Francia e Alemaña.
O seleccionador Imanol Álvarez mantén o bloque da última convocatoria, na que tamén estivo a galega Carme Castro, celebrada en Azuqueca de Henares a mediados de abril. O adestrador só conta con catro novidades: Laura Sánchez e Almudena Gutiérrez, que estiveron na cita de marzo, e Paola Bernabé e Nerea Solares, que debutarán coa Selección júnior.
Nuestra jugadora, Carme Castro, ha sido convocada con las Guerreras Junior del 20 al 27 de junio para disputar el Torneo 4 Naciones. Enhorabuena ‼️ pic.twitter.com/DR0YdIxaCo
— Club Balonmano Porriño (@BmPorrino) June 9, 2021
O calendario das Guerreras Junior
As xogadoras están citadas o domingo, 20 de xuño, para aloxarse en Hoznayo e comezar a adestrar para a competición que arrinca o venres 24 no Complejo Deportivo La Cantábrica de Astillero. O primeiro partido ads españolas as enfrontará a Francia ás 20:00 horas.
O sábado, 25 de xuño, o rival das Guerreras Junior será Porgual, á mesma hora. Finalmente, o domingo 26, tamén ás 20:00 horas, as vermellas xogarán contra Alemaña.
Esta será unha proba de fogo para a Selección, xa que as xogadoras viaxarán a mediados de xullo a Italia para disputar entre o 10 e o 18 o EHF Championship 2021. O seu grupo está conformado por Israel, Georgia e Lituania.
As compañeiras de Carme Castro
Nesta convocatoria, un total de 18 xogadoras conforma o grupo elixido por Imanol Álvarez para os adestramentos e o Torneo 4 Nacións:
- Portería | Elena Rodríguez (Handbol Sant Joan Despí), Lucía Alonso (Liberbank Gijón)
- Central | Zaira Benítez (Elda Prestigio), Nerea Canas (Balonmano Sanse)
- Primeia Liña | Raquel Moré (Handbol Sant Vicenç), Julia Nuez (Handbol Sant Vicenç), Marta Ontiveros (Ikersa Urci Almería), Kenya Casia (iKasa Madrid Boadilla), Bárbara Piñeira (Rincón Fertilidad Málaga), Aileen Ripa (Gurpea Beti-Onak), Paola Bernabé (Torrevieja Salud – Mare Nostrum)
- Extremo Esquerdo | Lydia Blanco (Uneatlantico Pereda), Elena Amores (Elda Prestigio), Laura Sánchez (Rincón Fertilidad Málaga)
- Extremo Dereito | Nerea Solares (Balonmano Gijón), Carme Castro (Conservas Orbe Rubensa Porriño)
- Pivote | María Zaldúa (Salud Tenerife), Almudena Gutiérrez (Rincón Fertilidad Málaga)
