As Guerreras Júnior da Real Federación Española de Balonmano debutarán este luns, 12 de xullo, no W19 EHF Championship e o farán coa galega Carme Castro. A xogadora do Club Balonmano Porriño estará no partido ante Israel.
A competición continental está a celebrarse en Italia, e o primeiro partido das españolas terá lugar na Pala Santa Filomena de Chieti. A cita terá lugar ás 15:15 horas deste luns e poderá seguirse vía streaming na EHF TV.
Para o campionato, o equipo da galega Carme Castro terá como rivais a Israel e Lituania, enmarcados no grupo B. O grupo A está formado por Italia, Turquía, Bélxica e Serbia.
A EHF Championship continuará o xoves, 15 de xullo, co España-Lituania ás 15:00 horas. O sábado, 17 de xullo, terán lugar as semifinais e a loita polos postos do quinto ao sétimo. A competición remata o domingo, 18 de xullo, coa final e a disputa dos postos terceiro e cuarto e quinto e sexto.
As Guerreras Junior
Para o W19 EHF Championship, o equipo español está conformado polas seguintes xogadoras convocadas por Imanol Álvarez:
- Portería | Elena Rodríguez (Handbol Sant Joan Despí), Lucía Alonso (Liberbank Gijón)
- Central | Zaira Benítez (Elda Prestigio), Nerea Canas (Balonmano Sanse), Paola Bernabé (Torrevieja Salud – Mare Nostrum)
- Lateral Esquerdo | Raquel Moré (Handbol Sant Vicenç), Julia Nuez (Handbol Sant Vicenç), Marta Ontiveros (Ikersa Urci Almería), Kenya Casia (iKasa Madrid Boadilla), Aileen Ripa (Gurpea Beti-Onak)
- Extremo Esquerdo | Laura Sánchez (Costa del Sol Málaga), Elena Amores (Elda Prestigio)
- Extremo Dereito | Carme Castro (Conservas Orbe Rubensa Porriño), Inoa Lucio (Club Balonmano Getasur)
- Pivote | María Zaldúa (Salud Tenerife), Almudena Gutiérrez (Costa del Sol Málaga)