Irene Ferreras xa ten un nome máis que sumar a súa lista de de posibles convocadas para os partidos da vindeira campaña. Chámase Carlota Suárez Crespo, é natural de Vigo (1997), e asina co Dépor ABANCA para as dúas próximas temporadas.
A dianteira pontevedresa procede do Real Oviedo Femenino, conxunto no que militou as dúas últimas temporadas despois de acabar de formarse no fútbol estadounidense. Carlota Suárez xogou no Tyler Junior College na campaña 2016-2017 e no equipo da Sam Houston State University entre 2017 e 2020. Nos seus comezos, entre 2012 e 2016, a futbolista galega militou no CF Pozuelo de Alarcón.
Carlota Suárez, 22 partidos como titular a última tempada
A pasada campaña, Carlota Suárez disputou co cadro asturiano o mesmo campionato que o Dépor ABANCA, o grupo Norte de Reto Iberdrola. A nova xogadora deportivista participou en 29 encontros, 22 deles como titular, anotando 7 goles. En Copa da Raíña xogou outros 2 encontros nos que marcou 2 tantos.
Suárez súmase así ao cadro deportivista tralas renovacións de Ainhoa Marín, Inés Altamira, Paula Gutiérrez, Raquel García e Patri López, máis Cris Martínez e Eva Dios, con contrato en vigor.
Irene Ferreras confírmase como nova adestradora do Dépor ABANCA
