A futbolista coruñesa do Deportivo ABANCA B, Carlota Sánchez, terá premio a súa gran campaña. A dianteira está convocada para uns adestramentos coa Selección Española Sub-19, que terán lugar do próximo luns 17 ao mércores 19 na Cidade do Fútbol de Las Rozas (Madrid).
A galega, que toma a testemuña das súas compañeiras no primeiro equipo Teresa Abelleira, Nuria Rábano ou María Méndez, non terá competición co Deportivo ABANCA B, con parón ligueiro ata o vindeiro domingo 1 de marzo.
Nesa ocasión, a convocatoria conta coa única presencia de Carlota, pero adoita ser habitual a presenza de outras canteirás branquiazuis nas categorías inferiores da Selección Española, como Sara Álvarez ou Nuria Torres.
