O Dépor ABANCA continúa organizando a súa plantilla de cara a vindeira tempada, o que será a segunda na elite para o conxunto deportivista. Carlota Sánchez renova por unha temporada o seu compromiso co Deportivo ABANCA, o que supón ademais a súa incorporación definitiva á dinámica de traballo do primeiro equipo branquiazul en pretemporada e durante o traballo anual. Após unha campaña na disciplina do equipo de Primeira Iberdrola alternando traballo e competición co filial, a internacional sub-19 coruñesa súmase ao equipo da categoría de ouro do fútbol feminino con ficha do filial.
Na Temporada 2019-2020, participou con Manu Sánchez en 5 partidos, os cinco sumando desde o banco un total de 67 minutos de primeiro contacto coa máxima categoría do fútbol español. Debutou en casa no 5-1 ao Sporting Huelva e completou as súas aparicións fronte a Betis (3-4), Athletic (0-2), Espanyol (0-3), e Rayo (2-1).
Co Deportivo ABANCA B xogou 17 partidos (16 como titular), un total de 1.456 minutos e anotou 3 goles.
Décimo movemento de cara a vindeira tempada
O plantel deportivista vai collendo forma e ademais das xogadoras que xa tiñan contrato en vigor, hai que sumar a de Carlota o que conforma un total de 10 operacións. Ampliaron a súa vinculación Sullastres, Peke, Athenea, Cris, Alba e Villegas. A estas hai que unir as fichaxes de Noelia Bermúdez, Stephannie Blanco e a xa mencionada Helena Torres.
