A futbolista do Dépor ABANCA Carlota Sánchez acabou o partido do pasado domingo en Lezama ante o Athletic Club B con molestias musculares. Agora, o club confirma a súa lesión. Todo apunta a que a deportista galega será baixa para o partido ante a SD Eibar que o conxunto deportivista xogará o vindeiro sábado 29 de outubro ás 12:00 na Cidade Deportiva de Abegondo.
As probas realizadas á futbolista coruñesa Carlota Sánchez “polos Servizos Médicos co doutor Alejandro Mejuto confirmaron que sofre unha lesión muscular nos isquiotibiais da súa perna esquerda”, informan desde o RC Deportivo.
Carlota Sánchez “estará uns días con tratamento médico e de fisioterapia. En función da súa evolución, comezará a continuación unha etapa de readaptación física, paso previo ao seu regreso aos adestramentos co grupo”, explican tamén desde o club coruñés.
